ގއ. ދާންދޫގައި ފާހާނާއެއްގެ ތެރޭގައި ދަންޖެހިފައި ހުރި މީހަކު ފެނިއްޖެ އެވެ.
އެނގިފައިވާ ގޮތުގައި ދަންޖެހިފައި ހުއްޓާ ފެނުނީ އެރަށު އަލުވިމާގެ، އަސްވަދު އަލީ، 32، އެވެ.
ފުލުހުން ވެސް ވަނީ އެ ރަށުގައި މީހަކު ދަންޖެހިގެން އުޅޭކަން ޔަގީންކޮށްދީފަ އެވެ. އިތުރު ތަފްސީލެއް ނުދެއެވެ.
މައުލޫމާތު ލިބިފައިވާ ގޮތުގައި އޭނާ ދަންޖެހިފައި ހުރިކަން އެނގުނީ މިއަދު އިރުއޮއްސުނު ފަހުން ގާތްގަނޑަކަށް 7:15 ހާއިރު އެވެ.
އޭނާ ދަންޖެހިފައި ހުރިކަން އެނގުނީ ފާހާނާ އަށް ވަދެ ލަސްވާތީ ބެލުމުންނެވެ. ހަމަ އެ ވަގުތު އޭނާ ސިއްހީ މަރުކަޒަށް ގެންދިޔަ ކަމަށާއި އެތަނަށް ގެންދިޔަ އިރުވެސް އޭނާ އޮތީ މަރުވެފައި ކަމަށް މައުލޫމާތު ލިބެއެވެ.
އެނގިފައިވާ ގޮތުގައި އެއީ ނަފްސާނީ މައްސަލައެއް ވެސް ހުންނަ މީހެކެވެ. އޭނާ އަންނަނީ އެކަމަށް ފަރުވާވެސް ހޯދަމުންނެވެ.