އިންޑިއާގައި މިރޭ ހިނގި ނުރައްކާތެރި އެކްސިޑެންޓެއްގައި ދިވެހި އަންހެނަކު ނިޔާވެއްޖެ އެވެ.
'ސަން'އަށް މައުލޫމާތު ލިބިފައިވާ ގޮތުގައި، އެ އެކްސިޑެންޓުގައި މަރުވެފައިވަނީ އުމުރުން 24 އަހަރުގެ އާއިޝަތު ރާއިހާ ނަމަކަށް ކިޔާ ރ. މަޑުއްވަރީ އަންހެނެކެވެ.
ޓްރިވަންޑްރަމްގައި ހުންނަ ދިވެހިރާއްޖޭގެ ކޮންސިއުލޭޓްގެ ކޮންސުލް އަލީ އާދަމް ދާދި ދެންމެ އަކު ސަން އަށް ވިދާޅުވީ، ދިވެހިންތަކެއް ދަތުރުކުރި އުޅަނދެއް އެކްސިޑެންޓްވެ ދިވެހި އަންހެނަކު ނިޔާވި ހަބަރު ލިބިފައިވާ ކަމަށެވެ.
އެ އެކްސިޑެންޓް ހިނގާފައި ވަނީ ޓްރިވެންޑްރަމުން ގާތްގަނޑަކަށް ހަތަރު ގަޑިއިރުން ދުއްވާފައި ދެވޭ ހިސާބެއްގައި ކަމަށާއި ނަމަވެސް އެއީ ކޮން ސަރަހައްދެއް ކަމެއް އަދި ނޭނގޭ ކަމަށެވެ.
އެ އެކްސިޑެންޓުގައި ނިޔާވި އަންހެން ކުއްޖާއާއެކު ދަތުރު ކުރި އެހެން ދިވެހިންތަކަށް ވެސް އަނިޔާތަކެއް ވަނީ ވެފަ އެވެ.