ކުރިއަށް އޮތް ލޯކަލް ކައުންސިލްތަކުގެ އިންތިޚާބުގައި އިލެކްޓްރޯނިކް ވޯޓިން ސިސްޓަމް ބޭނުން ނުކުރާގޮތަށް އިލެކްޝަންސް ކޮމިޝަނުން ނިންމައިފިއެވެ.
އިލެކްޝަންސް ކޮމިޝަންގެ މެމްބަރު އަހްމަދު އަކްރަމް ސަންއަށް މިއަދު ވިދާޅުވީ، އެގޮތަށް ނިންމީ، ބައެއް ސިޔާސީ ޕާޓީތަކުން އެދުނު އެދުމަށް އިޖާބަދިނުމުގެ ގޮތުން ކަމަށެވެ.
ކައުންސިލް އިންތިޚާބުގައި އީވޯޓިން ބޭނުންކުރުމަށް މީގެ ކުރީން އިލެކްޝަންސް ކޮމިޝަނުން ނިންމުމުން، އިދިކޮޅު އެމްޑީޕީން ވަނީ، އެފަދަ އިންތިޚާބެއްގައި އެ ޕާޓީން ބައިވެރި ނުވާނޭކަމަށް ބުނެފައެވެ.
ކައުންސިލް އިންތިޚާބު އޮންނާނީ، އަންނަ އަހަރުގެ ޖެނުއަރީ 14ގައެވެ.