އޭޝިއާގެ އެންމެ ހަރުކަށި ލީޑަރުންގެ ތެރޭގައި ހިމެނިވަޑައިގަންނަވާ، އުޒްބަކިސްތާނުގެ ނުފޫޒުގަދަ ރައީސް އިސްލާމް ކަރީމޯފް އަވަހާރަވެއްޖެއެވެ.
ވެރިކަން ކުރައްވާތާ 27 އަހަރުވެފައިވާ، އުމުރުފުޅުން 78 އަވަހާރަވީ ސިކުނޑިއަށް ލޭ އެޅިފައިވާ ކަމަށް ޝައްކު ކުރެވިގެން، ހޮސްޕިޓަލަށް ގެންގޮސް ފަރުވާ ދޭންފެށިތާ ހަވަނަ ދުވަހުކަމަށް ބީބީސީން ބުނެއެވެ.
ކަރިމޯފް އަވަހާރަވުމުން އުޒުބަކިސްތާނުގެ ވެރިކަމަށް ދެން އަންނާނީ ކޮން ބޭފުޅެއް ކަމެއް ނޭނގެއެވެ. ގާނޫނީ ބާރު ލިބިފައިވާ ސިޔާސީ ގޮތުން އިދިކޮޅު ޕާޓީއެއްވެސް ނޯންނަ، އުޒުބެކިސްތާނުގައި މީޑިއާވެސް އޮންނަނީ ވަރަށް ބޮޑަށް ހިފަހައްޓައިފައެވެ.
އުޒުބެކިސްތާނުގެ ގައުމީ ޓީވީން ބުނީ، ކަރިމޯފް ފަސްދާނުލުން މާދަމާގެ ވަގުތެއްގައި އޭނާގެ އަމިއްލަ ސިޓީކަމަށްވާ ސަމަރުކަންދުގައި ބޭއްވުމަށް ހަމަޖެހިފައިވާ ކަމަށެވެ.
އދ.ން މީގެ ކުރީން ޝާއިރުކުރި ރިޕޯޓެއްގައި ވާގޮތުން ކަރިމޯފްގެ ވެރިކަމުގައި، އުޒުބެކިސްތާނުގައި ވަރަށް ބޮޑަށް ރާވައިގެން ރައްޔިތުންނަށް ތަފާތު އަނިތައް ދީފައިވެއެވެ.
މުސްލިމުންގެ އަޣުލަބިއްޔަތު އޮންނަ އުޒުބެކިސްތާނުގައި އެފަދަ ހަރުކަށި އުސޫލުތަކެއް ގެންގުޅެން ޖެހިފައިވަނީ، އަވައްޓެރި އަފްޣާނިސްތާނާއި އެނޫންވެސް ގައުމުތަކުން އަންނަ ހަރުކަށި މުސްލިމު ޖަމާއަތްތަކުން ގައުމު ސަލާމަތްކުރުމަށް ކަމަށް ވިދާޅުވެ، ކަރިމޯފް ވަނީ އޭނާގެ ސިޔާސަތުތައް ދިފާއުކުރައްވައި ވާހަކަފުޅު ދައްކަވައިފެއެވެ.
ކަރިމޯފް އަވަހާރަވިކަން ކަށަވަރު ވެފައިވަނީ، އެގައުމުގައި ތިއްބަވާ ބޭރުގައުމުތަކުގެ ބައެއް ލީޑަރުންނާއި ޑިޕްލޮމެޓިކް ފަރާތްތަކުން މިއަދު އެކަން ރިޕޯޓްކުރުމުން ކަމަށް ބީބީސީ ބުނެއެވެ.
ތުރުކީގެ ބޮޑުވަޒީރު ބިނާލީ ޔިލްދިރިމް ވަނީ، މިއަދު އެގައުމުގެ ޓީވީން ވަގުތުން ދައްކަމުންދިޔަ ކެބިނެޓް ބައްދަލުވުމެއްގައި ކަރީމޯފް އަވަހާރަވީކަން އިއުލާނުކުރައްވައިފައެވެ.
ރިޕޯޓްތައް ބުނާގޮތުން، އަވައްޓެރި ބައެއް ގައުމުތަކުގެ ލީޑަރުން ވަނީ، ކަރިމޯފްގެ ޖަނާޒާގައި ބައިވެރިވެވަޑައިގަތުމަށް ސަމަރުކަންދަށް ވަޑައިގަތުމަށް ނިންމަވައިފައެވެ.
އިންސާނީ ހައްގުތަކަށް މަސައްކަތްކުރާ ބައެއް ޖަމާއަތްތަކުން ސިފަކޮށްފައިވާގޮތުން، އުޒުބެކިސްތާނުގެ ސަރުކާރަކީ މުޅި ދުނިޔޭން ވެސް ހިޔާލުފާޅުކުރުމުގެ މިނިވަންކަން އެންމެ ބޮޑަށް ހިފަހައްޓާފައިވާ ގައުމެވެ. ހާއްސަކޮށް،