ސަން ބަދިގެ: ބަނާނާ ސްޕްލިޓް ބްރައުނީ ޕިއްޒާ

ބޭނުންވާ ތަކެތި:

• 1 ޕެކެޓް ބްރައުނީ މިކްސް
• ފެން، ތެޔޮ، ބިސް (ޕެކެޓްގެ ބޭރުގައި ބުނެފައިވާ މިންވަރަށް)
• 4 ޖޯޑު އައިސްކުރީމް
• 1 ޖޯޑު ސްޓޯބެރީ (ފޮތިކޮށްފައި)
• 2 ވައް ދޮންކެޔޮ (ފޮތިކޮށްފައި)
• 1/2 ޖޯޑު އަލަނާސި (ކުދިކޮށް ކޮށާފައި)
• ޗޮކުލެޓް ސިރަޕް
• ވިޕްޑް ކުރީމް

ތައްޔާރު ކުރާނެ ގޮތް:

ބްރައުނީ މިކްސް، ބިސް، ތެޔޮ އަދި ފެން އެޅުމަށް ފަހު ރަނގަޅަށް ގިރާލާށެވެ. ރަނގަޅަށް ގިރުމުން އަވަނަށް ލައި ފިހެލާށެވެ.

ބްރައުނީ ރަނގަޅަށް ފިހެވުމުން، އަވަނުން ނަގައި ހިހޫ ވަންދެން ބާއްވާށެވެ. އެއްކޮށް ހިހޫ ވުމުން ބްރައުނީގެ މަތީގައި، އައިސްކުރީމް ހާކާލާށެވެ. އެއަށް ފަހު އެއް ގަޑި އިރު ވަންދެން ފްރިޖުގައި ބައިންދާށެވެ.

ބްރައުނީގެ މަތީގައި އުނގުޅި އައިސްކުރީމް ރަނގަޅަށް ގަނޑުވުމުން، ބްރައުނީ ފްރިޖުން ނަގާށެވެ. ދެން އޭގެ މަތީގައި ސްޓޯބެރީ، ދޮންކެޔޮ އަދި އަލަނާސި އަތުރާލާށެވެ. މޭވާތައް އަތުރާލުމަށް ފަހު މައްޗަށް ޗޮކުލެޓް ސިރަޕް އަޅާށެވެ. އެއަށް ފަހު މައްޗަށް ވިޕްޑް ކުރީމް އަޅާލާށެވެ.