މާލީ އަދި އިގްތިސޯދީ ދާއިރާ އިން ރާއްޖޭގެ ފެންވަރުގައި ފާހަގަކޮށްލެވޭ 16 އަންހެނަކަށް ވިމެން އޮން ބޯޑްސް (ޑަބްލިއުއޯބީ) އިން ސެޓްފިކެޓު ދީފި އެވެ.
ރޭ ސިޓީ ގާޑެންގައި ބޭއްވި ހާއްސަ ހަފުލާއެއްގައި އެ ފަރާތްތަކާ ސެޓްފިކެޓް ހަވާލުކޮށްދެއްވީ އެ ފަރާތްތައް ހޮވުމަށް ވިމެން އޮން ބޯޑްސް އިން އެކުލަވާލި "ލީޑިން ވިމެން ސެލެކްޝަން ކޮމިޓީ"ގެ ޗެއާޕާސަން އަދި މައި ކޮލެޖުގެ ރެކްޓާ ޑރ. އާމާލް އަލީ އެވެ.
ވިމެން އޮން ބޯޑްސް އިން ބުނީ، ރޭގެ ހަފުލާގައި ސެޓްފިކެޓް ހަވާލު ކުރި ބޭފުޅުންނަށް ހާއްސަކޮށްގެން ޑޮކިއުމެންޓްރީއެއް ތައްޔާރު ކުރުމަށް ނިންމާފައިވާ ކަމަށެވެ. އަދި އެ ޑޮކިއުމެންޓްރީ އަށް ޝޫޓު ކުރުމުގެ މަސައްކަތް އަންނަ އެޕްރީލް މަހު ފެށުމަށް ހަމަޖެހިފައިވާ ކަމަށް ވެސް އެ ޖަމިއްޔާ އިން ބުނެ އެވެ.
ހަމައެއާ އެކު، މި އަހަރު ތެރޭ ރިލީޒު ކުރަން ހަމަޖެހިފައިވާ އެ ޑޮކިއުމެންޓްރީ ބޭރު ދުނިޔޭގެ ސަމާލުކަމަށް ގެނައުމަށް އެހެނިހެން ގައުމުތަކާ އެކު މަޝްވަރާ ކުރަމުން އަންނަ ކަމަށް ވެސް އެ ޖަމިއްޔާ އިން ބުނެ އެވެ.
ރޭގެ ހަފުލާގައި ސެޓްފިކެޓް ހާސިލު ކުރި ބެފުޅުންގެ ތެރޭގައި ކުންފުނިތަކުގެ އިސް ބޭފުޅުންގެ ގޮތުގައި މަސައްކަތް ކުރާ އަންހެނުންނާއި އެހެން މީހެއްގެ ހިއްސާވުމެއް ނެތި އަމިއްލަ މަސައްކަތުން ވިޔަފާރި ހިންގަމުންދާ އަންހެނުން ފާހަގަކޮށްލެވެ އެވެ.
ރޭގެ ހަފުލާގައި ސެޓްފިކެޓު ހާސިލް ކުރި ކަނބަލުން:
ޑރ. އަޒީމާ އާދަމް - ގަވަރުނަރު، މޯލްޑިވްސް މަނިޓްރީ އޮތޯރިޓީ
ފަރީހާ ޝަރީފް - ޗެއާޕާސަން، ބެންކް އޮފް މޯލްޑިވްސް
މަރިޔަމް ޝަކީލާ - ޗީފް އެގްޒެކެޓިވް އޮފިސާ، ސިމްޑީ ގްރޫޕް ޕްރައިވެޓް ލިމިޓެޑް
ޝީޒާ އިމާދު - ޗީފް އެގްޒެކެޓިވް އޮފިސާ، ޝީޒާ ސެލޫން
ޝާއިރާ ސަލީމް - މެނޭޖިން ޑިރެކްޓާ، ޝެރީ ޕްރައިވެޓް ލިމިޓެޑް
ސުއިޒާ އިބްރާހިމް - މެނޭޖިން ޑިރެކްޓާ، ސުއިސް ސެލޫން
ސަނާ މަންސޫރު - މެނޭޖިން ޕާޓްނާ، އެފް ޖޭއެސް އެސޯސިއޭޓްސް
ސާނިހާ އަލީ - މެނޭޖިން ޑިރެކްޓާ، ސެޒް އެކްސްޕްލޯސް ޕްރައިވެޓް ލިމިޓެޑް
އާމިނަތު ނަޝީދާ - ފައުންޑާ، ނަޝީސް ކޭކްސް
ގަމީރާ އާދަމް - އެމްޓަޕްރެނުއާ، ބ. އަންހެނުންފުށި
ޖުވޭރިއާ ވަޖްދީ - އެމްޓަޕްރެނުއާ، އޯނާ، ޖުވޭސް ކެފޭ އެންޑް ރެސްޓޯރަންޓްސް
ފާތިމަތު މަނިކެ - އިސްލާމިކް ބޭންކިން ޑިރެކްޓާ، ބެންކް އޮފް މޯލްޑިވްސް
އާސިމާ އަލީ - ޑިރެކްޓާ، ކޯ ލޯޑް މޯލްޑިވްސް
ނާދިޔާ ހުސައިން - ޗީފް ފައިނޭންޝިއަލް އޮފިސާ، ޝުއާޒް އިންވެސްޓްމެންޓް
ރަހީމާ އާދަމް - އެންޓަޕްރެނުއާ، އެޑްވޮކޭޓް ފޮ ވިމެންސް އެންޓަޕްރެނުއާޝިޕް
ރަހީމާ ސަލީމް - އޮޕަރޭޝަންސް ޑިރެކްޓާ، ހައުސިން ޑިވޮލޮޕްމަންޓް ފިނޭންސް ކޯޕަރޭޝަން