އަންނަ އަހަރަށް ލަފާކޮށް ސަރުކާރުން ރައްޔިތުންގެ މަޖިލީހަށް ހުށަހަޅާފައިވާ ދައުލަތުގެ ބަޖެޓް ފާސްކުރަން ވޯޓް ނުދޭން އެމްޑީޕީން ނިންމައިފި އެވެ.
އެމްޑީޕީގެ ޕާލަމެންޓްރީ ގްރޫޕުގެ ޑެޕިއުޓީ ލީޑަރު ރޮޒައިނާ އާދަމް މިއަދު ކުރެއްވި ޓުވީޓެއްގައި ވިދާޅުވެފައި ވަނީ ބަޖެޓް ފާސް ކުރުމަށް ވޯޓް ނުދޭން އެމްޑީޕީން ތުރީ ލައިން ވިޕެއް ނެރެފައިވާ ކަމަށެވެ. ވޯޓް ނުދެއްވާ ސަބަބެއް ރޮޒެއިނާ ހާމައެއްނުކުރައްވަ އެވެ.
MDP PG in 2016 budget ah three line RED whip nerefi.
— MP Rozaina Adam (@Roxeyna) November 23, 2015 އަންނަ އަހަރަށް ލަފާކޮށް ރައްޔިތުންގެ މަޖިލީހަށް ފިނޭންސް މިނިސްޓަރު އަބްދުﷲ ޖިހާދު ހުށަހެޅުއްވި 27.457 ބިލިއަން ރުފިޔާގެ ބަޖެޓު ކޮމެޓީން ފާސްކުރީ 14 މެމްބަރުންގެ ވޯޓުން ނެވެ. ބަޖެޓަށް ތަޅުމުން ވޯޓް އެހުން އޮތޯ މިއަދު 4:00 ޖަހާއިރު އެވެ.
ބަޖެޓުގައި ޕީއެސްއައިޕީގެ މަޝްރޫއުތަކަށް ހިމަނާފައިވާ 9.1 ބިލިއަން ރުފިޔާގެ ތެރެއިން އާއްމު ބަޖެޓުން ހޭދަ ކުރުމަށް ކަނޑައަޅާފައި ވަނީ 5.2 ބިލިއަން ރުފިޔާ އެވެ. އަދި ބޭރުގެ ލޯނު އެހީގެ ގޮތުގައި 2.7 ބިލިއަން ރުފިޔާ އާއި ހިލޭ އެހީއާ ޓުރަސްޓް ފަންޑުގެ ގޮތުގައި 1.2 ބިލިއަން ރުފިޔާ ލިބޭނެ ކަމަށް ފިނޭންސް މިނިސްޓަރު އަބްދުﷲ ޖިހާދު ވިދާޅުވި އެވެ.