ވޭތުވެ ދިޔަ 2014 ވަނަ އަހަރު ޕޮލިސް އިންޓަގްރިޓީ ކޮމިޝަން (ޕީއައިސީ) އިން އަމަލުކޮށްފައި ވަނީ މާލިއްޔަތު ގާނޫނާ އެއްގޮތަށް ކަމަށް އޮޑިޓް ރިޕޯޓުން ހާމަވެއްޖެ އެވެ.
އޮޑިޓާ ޖެނެރަލް ހަސަން ޒިޔަތު މިދިޔަ މަހު ފަހު ކޮޅު އާންމުކޮށްފައިވާ ޕީއައިސީގެ 2014 ވަނަ އަހަރުގެ އޮޑިޓް ރިޕޯޓުގައި ބުނެފައި ވަނީ ޕީއައިސީ އިން މިދިޔަ އަހަރު އަމަލުކޮށްފައި ވަނީ މާލިއްޔަތު ގަވައިދާ އެއްގޮތަށް ކަމަށެވެ.
"ޕޮލިސް އިންޓަގްރިޓީ ކޮމިޝަނުގެ އެހެނިހެން މާލީ ކަންކަން، މައިގަނޑު ގޮތެއްގައި ހިންގާ ބަލަހައްޓާފައި ވަނީ ދައުލަތުގެ މާލިއްޔަތު ގާނޫނާއި ދައުލަތުގެ މާލިއްޔަތު ގަވައިދާ އެއްގޮތަށް." އޮޑިޓް ރިޕޯޓުގައި ބުނެފައިވެ އެވެ.
ޕީއައިސީ އިން މިދިޔަ އަހަރު ހަރަދުތައް ކޮށްފައި ވަނީ މިދިޔަ އަހަރަށް މަޖިލީހުން އެ ކޮމިޝަނަށް ފާސްކޮށްދިން ބަޖެޓުގައި ބުނެފައިވާ ގޮތަށް އެބަޖެޓުގެ މަގުސަދު ހާސިލްވާ ގޮތަށް ކަމަށް ވެސް ބުނެފައިވެ އެވެ.