ގދ. ތިނަދޫގައި ހުޅުޖެހި މައްސަލައިގައި ތުހުމަތު ކުރެވޭ 89 މީހުންގެ މައްސަލަ ބަލައިގަނެ، އެ މައްސަލައާ މެދު އަމަލުކުރާނެ ގޮތެއް ނިންމާނީ ހައިކޯޓުން ކަނޑައަޅާ ގޮތެއްގެމަތިން ކަމަށް ކްރިމިނަލް ކޯޓުން ބުނެފިއެވެ.
ކްރިމިނަލް ކޯޓުގެ މީޑިއާ އޮފިޝަލް އަހްމަދު މުހައްމަދު މަނިކު މިއަދު ސަން އަށް ވިދާޅުވީ އެ ކޯޓުން ތިނަދޫ މައްސަލަ އަނބުރާ ފިނުވާލާފައިވާތީ ދައުލަތުން އެ މައްސަލަ ހައިކޯޓުގައި އިސްތިއުނާފުކޮށްފައިވާ ކަމަށެވެ. އެހެންކަމުން ހައިކޯޓުން ވަކިގޮތެއް ކަނޑައަޅައި ނިމުމުން ނޫނީ އެ މައްސަލަ ބަލައިގަނެ، ވަކިގޮތެއް ނުނިންމާނެ ކަމަށް އޭނާ ވިދާޅުވިއެވެ.
ތިނަދޫ މައްސަލަ ދެވަނަ ފަހަރަށް ކްރިމިނަލް ކޯޓަށް ހުށަހެޅުމާއެކު އެ ކޯޓުން ވަނީ ހައިކޯޓުން ވަކިގޮތެއް ނިމެންދެން އެ މައްސަލަ ބަލައިނުގަންނަން ނިންމައި، އަނބުރާ ފޮނުވާލާފައެވެ.
އެ 89 މީހުންގެ މައްޗަށް ދައުލަތުން އުފުލާފައި ވަނީ ޓެރަރިޒަމްގެ ދައުވާ އެވެ. އެ ދައުވާ އުފުލާފައި ވަނީ ތިނަދޫ ޕޮލިސްޓޭޝަނާއި އެތަނުގައި ހުރި އެންމެހައި ވެހިކަލްތަކުގައި ހުޅުޖަހައި އަންދާލާފައިވާތީ އާއި ގދ. އަތޮޅު ކައުންސިލްގެ އިދާރާގެ އިމާރާތަށާއި މުދަލަށް ގެއްލުންދީ އެތަނުގެ ތެރެއަށް ވަދެ އެ އިދާރާގައި ހުޅުޖަހާފައިވާތީ އާއި ތިނަދޫ ކޯޓުގެ އިމާރާތަށާއި މުދަލަށް ގެއްލުންދީ ކޯޓުގައި ހުޅުޖަހާފައިވާތީ އެވެ. އެހެންނަމަވެސް އެ ތުހުމަތުތަކަށް އެ އެންމެން ވެސް ވަނީ އިންކާރުކޮށްފައެވެ.
date_range
ހޮނިހިރު 28 ޑިސެމްބަރ 2024