ހުޅުމާލެ އަމާން އުދަރެސް ޓަވަރެއްގައި އަލިފާނުގެ ހާދިސާއެއް ހިނގައިފިއެވެ.
'ސަން' އަށް މައުލޫމާތު ދިން މީހަކު ބުނި ގޮތުގައި އަލިފާނުގެ ހާދިސާ ހިނގާފައި ވަނީ އަމާން އުދަރެސް ޓަވަރު 5 ގެ ތިރީ ފަންގިފިލާގައެވެ.
ހުޅުމާލެ އަމާން އުދަރެސް ޓަވަރު ކައިރީގައި އަލިފާނުގެ ހާދިސާއެއް ހިނގުމުން މީހުން އެއްވެފައި -- ފަހި ދިރިއުޅުން ކޯޕަރޭޝަން (އެފްޑީސީ)އިން ހާމަކުރި ގޮތުގައި އަމާން އުދަރެސް 5 ގެ ގްރައުންޑް ފްލޯގައި ހުރި ކުނިތަކެއްގައި ރޯވި އަލިފާން މިހާރު ވަނީ އެއްކޮށް ކޮންޓްރޯލް ކުރެވިފައެވެ. އަދި މި ހާދިސާގެ ސަބަބުން އެއްވެސް މީހަކަށް ގެއްލުމެއް ލިބިފައި ނުވާ ކަމަށް ވެސް އެފްޑީސީން މައުލޫމާތު ދިނެވެ.
ނަމަވެސް، މި ހާދިސާގައި ޓަވަރުގެ ބައެއް ފެންހޮޅިތަކަށް ގެއްލުން ލިބިފައިވާތީ، އެ ހޮޅިތައް މަރާމާތުކުރުމުގެ މަސައްކަތް އެފްޑީސީގެ ޓީމުން މިހާރު ކުރަމުންދާ ކަމަށް ބުންޏެވެ.
އެހެންކަމުން މަރާމާތުގެ މަސައްކަތް ނިމެންދެން އެ ޓަވަރުގެ ބައެއް ޔުނިޓުތަކަށް ފެނުގެ ޚިދުމަތް މެދުކެނޑޭނެ ކަމަށާއި މިކަމުގެ ސަބަބުން ދިމާވެދާނެ ދަތިތަކަށްޓަކައި އެފްޑީސީން ވަނީ މާފަށް އެދިފައެވެ.
https://x.com/Fdc_mv/status/2106031805627572655
ސޯޝަލް މީޑިއާގައި ދައުރުވަމުންދާ ވީޑިއޯތަކުން ފެންނަ ގޮތުގައި އެ ސަރަހައްދަށް އެ ވަގުތު ވަނީ ގިނަ ބަޔަކު ވެސް ވަނީ އެއްވެފައެވެ. އަދި އަލިފާން ނިއްވޭތޯ ބައެއް މީހުން މަސައްކަތް ކުރަމުންދާ މަންޒަރު ވެސް ފެނެއެވެ.