މާލޭގައި ތިބެގެން ހޯދޭނެ ތަރައްގީއެއް ނެތްކަމަށާއި ވިޔަފާރީގެ ފުރުސަތުތައް އޮތީ ރަށްރަށުގައި ކަމަށް މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)ގެ ޗެއާޕާސަން އަދި ކުރީގެ ރައީސް މުޙައްމަދު ނަޝީދު މިއަދު ވިދާޅުވެއްޖެއެވެ.
އެމްޑީޕީގެ ފަސްވަނަ ކޮންގްރެސްގެ ތެރެއިން ކުރިއަށް ގެންދާ "ރަށްވެހި ތަރައްގީ" އިންވެސްޓްމަންޓް ފޯރަމް ފެށުމުގެ ރަސްމިއްޔާތުގައި ވާހަކަދައްކަވަމުން އެ މަނިކުފާނު ވަނީ ރާއްޖޭގެ އެކި ރަށްތަކުގައި ކުރަމުންދާ މަސައްކަތްތަކުގެ ވާހަކަ ފާހަގަކުރައްވާ، އެ މަސައްކަތްތައް މިހާރަށްވުރެ ފުޅާކުރަންޖެހޭކަން ފާހަގަކުރައްވާފައެވެ.
އެގޮތުން، މިއަހަރު އެމަނިކުފާނު ޒިޔާރަތްކުރެއްވި ހުރިހާ ރަށެއްގައިވެސް މިފަދަ އެތައް މަސައްކަތެއް ހިނގާކަން އެމަނިކުފާނު ފާހަގަކުރެއްވިއެވެ.
އެމްޑީޕީން ކުރިއަށް ގެންދިޔަ އިންވެސްޓްމަންޓް ފޯރަމްގެ ތެރެއިން-- ސަން ފޮޓޯ: ޝާތިއު ޢަބްދުﷲ"ރާއްޖޭގެ ރަށްރަށުގަ ވަރަށް ގިނަ މަސައްކަތްތައް ހިނގާ. ހަވާދު ހަދާ. ތައްޔާރީ ކާނާ ހަދާ. ކޭކު ފިހޭ. ގޭގޭގައި ކުދިކުދި މަސައްކަތްތައް ވަރަށް ގިނަ ރަށްރަށުގައި ކުރަމުންދޭ. އަޅުގަނޑަށް މިއަހަރު ބަލާލެވުނު އިރުގައި އަޅުގަނޑުގެ ހިސާބުގައި، އަޅުގަނޑަށް މިއަހަރު ދެވުނު 118 ރަށުގެ ތެރެއިން މިދެންނެވި ބާވަތުގެ ކޮންމެސް މަސައްކަތެއް ނުކުރާ ހަމަ އެންމެ ރަށެއްވެސް ނެތް." ރައީސް ނަޝީދު ވިދާޅުވިއެވެ.
މިކަން ފާހަގަކުރައްވާ، އެ މަނިކުފާނު ވިދާޅުވީ އެމްޑީޕީން ބޭނުން ވަނީ އެ މަސައްކަތްތައް ވިޔަފާރީގެ އުސޫލުން ނަފާލިބިގެން، ހިންގޭނެ ގޮތްތަކެއް ކައުންސިލުތަކަށް ހޯދައިދިނުން ކަމަށެވެ.
"އިންވެސްޓްމަންޓް ފޯރަމްގެ، އެމްޑީޕީގެ ޕްރޮޖެކްޓް ޑިޕާޓްމަންޓުގެ އަމާޒަކީ ރަށްރަށުގައި ހިނގާ އާމްދަނީ ލިބޭ މަސައްކަތްތައް، އެ މަސައްކަތްތައް ވިޔަފާރިއަކަށް ބަދަލުވެގެން، ވިޔަފާރީގެ އުސޫލުން ނަފާލިބިގެން، ފައިދާ ލިބިގެން ހިންގޭނެ ގޮތްތަކެއް ކައުންސިލުތަކަށް ހޯދައިދިނުން." އެމަނިކުފާނު ވިދާޅުވިއެވެ.
އެމްޑީޕީން ކުރިއަށް ގެންދިޔަ އިންވެސްޓްމަންޓް ފޯރަމްގެ ތެރެއިން-- ސަން ފޮޓޯ: ޝާތިއު ޢަބްދުﷲމި މޭރުމުން ވާހަކަދައްކަވަމުން ރައީސް ނަޝީދު އިތުރަށް ވަނީ، ރާއްޖެއަށް ގެންނަން ބޭނުންވާ ތަރައްގީ ގެނެވޭނީ މާލޭގައި ތިބެގެން ނޫންކަމަށް ވިދާޅުވެ، އެހެން އެއްވެސް ތަނެއްގައި ނެތް މިންވަރަށް ރަށްރަށުގައި ވިޔަފާރީގެ ފުރުސަތުތައް ހުޅުވިފައިވާކަން ފާހަގަކުރައްވާފައެވެ.