ސިހުރު ހަދާކަމުގެ ތުހުމަތުގައި ތ. ވަންދޫގެ ވަގުތީ މުދިމު ހައްޔަރުކޮށްފިއެވެ.
ފުލުހުން މީޑިއާތަކާ ހިއްސާކުރި މެސެޖެއްގައި ބުނީ ތ. ވަންދޫގައި ސިހުރު ހަދާކަމަށް ތުހުމަތު ކުރެވޭ މައްސަލައެއް އިއްޔެ ހަވީރު 18:05 އެހައިކަންހާއިރު ފުލުހުންނަށް ރިޕޯޓްކޮށްފައިވާ ކަމަށެވެ. އަދި މި މައްސަލައިގެ ތުހުމަތުގައި 61 އަހަރު ދިވެހި ފިރިހެނަކު ވަނީ ފުލުހުންގެ ބެލުމުގެ ދަށަށް ގެނެސްފައިވާ ކަމަށް ފުލުހުން ބުންޏެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
'ސަން' އަށް މައުލޫމާތު ދިން މީހަކު ބުނި ގޮތުގައި އެ ފިރިހެން މީހާއަކީ އެ ރަށުގެ ވަގުތީ މުދިމެކެވެ.