ބާކްޝަޔާ ހެތަވޭގެ އާ ސީއީއޯ ގްރެގް އޭބަލްގެ ބެލުމުގެ ދަށުން، އެންމެ ދެ ދުވަހުގެ ތެރޭގައި 16.8 ބިލިއަން ޑޮލަރުގެ އިންވެސްޓްމަންޓްތަކެއް ކޮށްފިއެވެ.
މި އަހަރުގެ ޖެނުއަރީ މަހު, އެމެރިކާގެ މަޝްހޫރު ބިލިއަނަރު ވޮރެން ބަފެޓްގެ ބަދަލުގައި ސީއީއޯގެ މަގާމާ ހަވާލުވި އޭބަލް ވަނީ، ގެދޮރު އިމާރާތްކުރާ ކުންފުންޏެއް ކަމަށްވާ ޓޭލާ މޮރިސަން 6.8 ބިލިއަން ޑޮލަރަށް ގަތުމަށް އާދީއްތަ ދުވަހު ނިންމާފައެވެ. އޭގެ ފަހުން ހޯމަ ދުވަހު، ގޫގުލްގެ މައި ކުންފުނި އަލްފަބެޓްގެ 10 ބިލިއަން ޑޮލަރުގެ ހިއްސާ ގަތުމަށް ވަނީ އެއްބަސްވެފައެވެ.
އަލްފަބެޓްގެ ހިއްސާ ގަތުމަށް ނިންމި ނިންމުމަކީ، އާޓިފިޝަލް އިންޓެލިޖެންސް (އޭއައި) ގެ ދާއިރާގައި އެ ކުންފުނިން ހޯދަމުންދާ ކުރިއެރުންތަކަށް ބާކްޝަޔާއިން ކުރާ އިތުބާރު ދައްކުވައިދޭ ކަމެއް ކަމަށް ރޮއިޓާސްއިން ރިޕޯޓުކޮށްފައިވެއެވެ. މިއާއެކު، އަލްފަބެޓް ވެގެންދާނީ ބާކްޝަޔާއިން އެންމެ ގިނައިން ހިއްސާ ކޮންޓްރޯލްކުރާ ފަސް ކުންފުނީގެ ތެރެއިން އެއް ކުންފުންޏަށެވެ.
އެމެރިކާގެ މަޝްހޫރު ބިލިއަނަރު ވަރެން ބަފެޓް--
މާރިޗު މަހުގެ ނިޔަލަށް ބާކްޝަޔާގެ އަތުގައި ނަގުދު ފައިސާގެ ގޮތުގައި 380.2 ބިލިއަން ޑޮލަރު ހުރިއިރު، އެ ފައިސާ އިންވެސްޓް ނުކޮށް ހުރުމުގެ ސަބަބުން ކުންފުނީގެ ހިއްސާގެ އަގަށް ނޭދެވޭ އަސަރުކުރަމުންދާ ކަމަށް އިންވެސްޓަރުން ވަނީ މީގެ ކުރިން ފާހަގަކޮށްފައެވެ.
ޗެކް ކެޕިޓަލް މެނޭޖްމަންޓްގެ ރައީސް ސްޓީވަން ޗެކް ބުނި ގޮތުގައި، ވޮރެން ބަފެޓްގެ ހިޔަނިން ބޭރުވެ، އޭބަލް އަމިއްލަ ގޮތްތަކެއް ގެންގުޅޭތަން ފެނުމަކީ އިންވެސްޓަރުންނަށް ލިބޭ ވަރަށް ބޮޑު ހިތްވަރެކެވެ.
ޓޭލާ މޮރިސަން ގަތުމަށްފަހު، ބާކްޝަޔާގެ ދަށުން ހިންގާ ގެދޮރު އިމާރާތްކުރުމުގެ އެހެން ވިޔަފާރިތަކާ އެ ކުންފުނި އެއްކޮށްލުމަށް މަސައްކަތްކުރާނެ ކަމަށް އޭބަލް ވަނީ އިޝާރާތްކޮށްފައެވެ. މިއީ ކުރިން ބަފެޓް ގެންގުޅުނު، ކުންފުނިތައް ގަތުމަށްފަހު އަމިއްލައަށް ހިންގަން ދޫކޮށްލުމުގެ ސިޔާސަތާ ތަފާތު، އަމަލީ ގޮތުން ކަންކަމުގައި ބައިވެރިވުމުގެ ސިޔާސަތެއް ކަމަށް މާހިރުން ފާހަގަކުރެއެވެ.
ހިއްސާ ގަނެ ވިއްކުމުގެ ވިޔަފާރީގައި އެންމެ ކުޅަދާނަ ބިލިއަނަރު, ބަފެޓް އުމުރުން 95 އަހަރުގައި ރިޓަޔާ ކުރެއްވީ މިދިޔަ ޑިސެމްބަރު މަހުގެ ފަހު ދުވަހުއެވެ. އޭނާއަކީ ހިއްސާ ގަނެ, ވިއްކުމުގެ ދާއިރާއިން އެންމެ ބޮޑު ނަފާއެއް ހޯދި މީހާއެވެ.
ވޮރެން ބަފެޓް އުމުރުން 95 އަހަރުގައި މިދިޔަ ޑިސެމްބަރު މަހު ރިޓަޔާކުރެއްވުމާ ގުޅިގެން ބާކްޝަޔާ ހެތަވޭގެ ސީއީއޯގެ މަގާމާ ހަވާލުވި ގްރެގް އޭބަލް ވަނީ، އެންމެ ދެ ދުވަސް ތެރޭގައި 16.8 ބިލިއަން ޑޮލަރުގެ އިންވެސްޓްމަންޓް ކޮށްފައެވެ. ބަފެޓަކީ ހިއްސާ ގަނެ ވިއްކުމުގެ ވިޔަފާރީގައި ތާރީޚުދުށް އެންމެ ކާމިޔާބު އެއް ޝަޚުސިއްޔަތެވެ. އޭނާގެ ބަދަލުގައި ކުންފުންޏާ ހަވާލުވެ، އޭބަލް ވަނީ ގެދޮރު އިމާރާތްކުރާ ކުންފުންޏެއް ކަމަށްވާ ޓޭލާ މޮރިސަން 6.8 ބިލިއަން ޑޮލަރަށް ގަތުމަށާއި، ގޫގުލްގެ މައި ކުންފުނި އަލްފަބެޓްގެ 10 ބިލިއަން ޑޮލަރުގެ ހިއްސާ ގަތުމަށް ނިންމާފައެވެ. އަލްފަބެޓްގައި ކުރި މި އިންވެސްޓްމަންޓަކީ އާޓިފިޝަލް އިންޓެލިޖެންސްގެ ދާއިރާއަށް ބާކްޝަޔާއިން ކުރާ އިތުބާރު ހާމަކޮށްދޭ ކަމެކެވެ. މިއާއެކު، އަލްފަބެޓް ވެގެންދާނީ އެ ކުންފުނިން އެންމެ ގިނައިން ހިއްސާ ކޮންޓްރޯލްކުރާ ފަސް ކުންފުނީގެ ތެރެއިން އެއް ކުންފުންޏަށެވެ.
މާރިޗު މަހުގެ ނިޔަލަށް ބާކްޝަޔާގައި 380.2 ބިލިއަން ޑޮލަރުގެ ބޮޑު ނަގުދު ފައިސާގެ އަދަދެއް ހުރިއިރު، އެ ފައިސާ ބޭނުންނުކޮށް ހުރުމަކީ ހިއްސާގެ އަގަށް ނޭދެވޭ އަސަރުކުރާނެ ކަމެއް ކަމަށް އިންވެސްޓަރުން ވަނީ ފާހަގަކޮށްފައެވެ. ނަމަވެސް، އޭބަލްގެ މި ހަލުވި ނިންމުންތަކާއެކު ޗެކް ކެޕިޓަލް މެނޭޖްމަންޓް ފަދަ އިންވެސްޓަރުންނަށް ވަނީ އާ ހިތްވަރެއް ލިބިފައެވެ. ކުރީގެ ސީއީއޯ ބަފެޓް ކުންފުނިތައް ގަތުމަށްފަހު އަމިއްލައަށް ހިންގަން ދޫކޮށްލާ ސިޔާސަތާ ޚިލާފަށް، އޭބަލް ގެންގުޅުއްވަނީ އަމަލީ ގޮތުން ކަންކަމުގައި ބައިވެރިވެ، އާ ކުންފުނިތައް ބާކްޝަޔާގެ އެހެން ވިޔަފާރިތަކާ ގުޅުވައިގެން ހިންގުމުގެ ސިޔާސަތެކެވެ. މިއީ ބަފެޓްގެ ހިޔަނިން ބޭރުވެ އޭބަލް އަމިއްލަ ގޮތްތަކެއް ގެންގުޅެން ފެށިކަމުގެ ސާފު ހެއްކެކެވެ.
- ގްރެގް އޭބަލް ސީއީއޯގެ މަގާމާ ހަވާލުވުމަށްފަހު ދެ ދުވަސް ތެރޭގައި 16.8 ބިލިއަން ޑޮލަރު އިންވެސްޓްކޮށްފި.
- ޓޭލާ މޮރިސަން 6.8 ބިލިއަން ޑޮލަރަށް ގަތުމަށްފަހު ބާކްޝަޔާގެ އެހެން ވިޔަފާރިތަކާ އެއްކޮށްލަން ނިންމައިފި.
- އާޓިފިޝަލް އިންޓެލިޖެންސްއަށް އިތުބާރުކޮށް އަލްފަބެޓްގެ 10 ބިލިއަން ޑޮލަރުގެ ހިއްސާ ގަނެފި.
- ކުންފުނީގައި ހުރި 380.2 ބިލިއަން ޑޮލަރުގެ ނަގުދު ފައިސާ އިންވެސްޓްކުރަން ފެށުމުން އިންވެސްޓަރުންނަށް ހިތްވަރު ލިބިއްޖެ.
- އޭބަލް ގެންގުޅުއްވަނީ ބަފެޓްގެ ސިޔާސަތާ ޚިލާފަށް، ކުންފުނިތައް ހިންގުމުގައި އަމަލީ ގޮތުން ބައިވެރިވުމުގެ އުސޫލެއް.
