ޗައިނާގެ އޭއައި ސްޓާޓްއަޕް ކުންފުނި ޑީޕްސީކުން އެ ކުންފުނީގެ އެންމެ ފަހުގެ ފަހުގެ ލެންގުއޭޖް މޮޑެލް ކަމަށްވާ ޑީޕްސީކްގެ ތިންވަނަ ވާޝަން (ޑީޕްސީކް-ވީ3-0324) ތަޢާރަފުކޮށްފިއެވެ.
މި މޮޑެލަކީ އެމްއައިޓީ ލައިސަންސްގެ ދަށުން ދޫކޮށްފައިވާ އަދި ހަގިންގް ފޭސްއިން ހިލޭ ޑައުންލޯޑުކުރެވޭ މޮޑެލެކެވެ. މި މޮޑެލް ވަނީ އަމިއްލަ ބޭނުމަށާއި ވިޔަފާރީގެ ބޭނުމަށް ހުޅުވާލާފައެވެ.
ޑީޕްސީކް-ވީ3-0324 ގެ ސައިޒަކީ 641 ގިގަބައިޓެވެ. މި މޮޑެލް ވަރަށް ފަސޭހައިން ކޮންސިއުމާ ހާޑްވެއާގައި، އޭގެ ތެރޭގައި އެޕަލްގެ އެމް3 އަލްޓްރާ ޗިޕް ހިމެނޭ މެކް ސްޓޫޑިއޯގައި ވެސް ރަން ކުރެވޭނެއެވެ.
މި މޮޑެލްގައި 685 ބިލިއަން ޕެރަމީޓަރސް ހިމެނޭތީ، މިއީ ދުނިޔޭގެ އެންމެ ބޮޑެތި އޯޕަން-ސޯސް އޭއައި މޮޑެލްތަކުގެ ތެރެއިން އެއް މޮޑެލެވެ.
އޭއައި ދިރާސާކުރާ ފަރާތެއް ކަމަށްވާ ޒިއޮފޮންގެ ޚިޔާލުގައި މި މޮޑެލަށް އެންތްރޮޕިކްގެ ކްލޯޑް ސޮނެޓް 3.5 އާ ވާދަކުރެވޭނެއެވެ. ނަމަވެސް ސޮނެޓާ ޚިލާފަށް، ޑީޕްސީކް-ވީ3-0324 އަކީ މުޅިން ހިލޭ ލިބޭ މޮޑެލެކެވެ. މިކަމުގެ ސަބަބުން މި މޮޑެލް ބޭނުންކުރުމުގައި ބޮޑު ފަސޭހައެއް ލިބިގެންދާނެއެވެ.
ޑީޕްސީކް-ވީ3-0324 ބޭނުންކުރަނީ މިކްސްޗާ އޮފް އެކްސްޕާޓްސް (އެމްއޯއީ) އާކިޓެކްޗާއެވެ. މި އާކިޓެކްޗާގައި ހުރިހާ ޕެރަމީޓާސްތަކެއް އެއްފަހަރާ އެކްޓިވޭޓްކުރުމުގެ ބަދަލުގައި، އެންމެ މުހިންމު ޕެރަމީޓާސްތައް އެކަނި ބޭނުންކުރެއެވެ. ޖުމުލަ 685 ބިލިއަން ޕެރަމީޓާސްގެ ތެރެއިން ކޮންމެ ވަގުތެއްގައި ވެސް އެކްޓިވްކޮށް ހުންނަނީ 37 ބިލިއަން ޕެރަމީޓާސް އެކަންޏެވެ.
މިކަމުގެ ސަބަބުން ކޮމްޕިއުޓޭޝަނަލް ޑިމާންޑް ކުޑަވެ، ޕާފޯމަންސް ދެމެހެއްޓިފައި ހުރެއެވެ. ޓެސްޓުތަކުގައި، ޑީޕްސީކް-ވީ3-0324 ވަނީ މިއަށްވުރެ ބޮޑެތި އެކްޓިވޭޝަންތައް ހުންނަ މޮޑެލްތަކާ އެއްވަރަށް ރަނގަޅަށް މަސައްކަތްކޮށްފައެވެ. މިކަމުގެ ސަބަބުން މި މޮޑެލް އަވަސްވެ، އެފިޝަންޓްވެގެންދެއެވެ.
މި މޮޑެލްގައި ދެ މުހިންމު އާ ފީޗާ ތަޢާރަފުކޮށްފައިވެއެވެ. އެއީ:
1. މަލްޓި-ހެޑް ލޭޓަންޓް އެޓެންޝަން (އެމްއެލްއޭ): މި ފީޗަރުން ދިގު ލިޔުންތަކުގައި ކޮންޓެކްސްޓް ދެމެހެއްޓުމަށް މޮޑެލަށް އެހީތެރިވެދެއެވެ.
2. މަލްޓި-ޓޯކަން ޕްރެޑިކްޝަން (އެމްޓީޕީ): މި ފީޗަރުން މޮޑެލަށް އެއްފަހަރާ ގިނަ ޓޯކަންތައް ޖެނެރޭޓްކުރުމުގެ ޤާބިލުކަން ލިބިދެއެވެ.
މި ދެ އާ ފީޗާގެ ސަބަބުން މޮޑެލްގެ ޕާފޯމަންސް އިތުރަށް ރަނގަޅުވާނެ ކަމަށް ބެލެވެއެވެ.
ޑީޕްސީކް-ވީ3-0324 ގެ ތަޢާރަފާ އެކު، އޭއައި ޓެކްނޮލޮޖީގެ ދާއިރާއަށް އާ ކުރިއެރުމެއް ލިބިގެންދާނެ ކަމަށް ބެލެވެއެވެ. ޚާއްޞަކޮށް މި މޮޑެލް ހިލޭ ލިބެން ހުރުމާއި، އަމިއްލަ އަދި ވިޔަފާރީގެ ބޭނުމަށް ބޭނުންކުރެވޭ ގޮތަށް ހުޅުވާލާފައި އޮތުމުގެ ސަބަބުން، ގިނަ ފަރާތްތަކަކަށް މި ޓެކްނޮލޮޖީގެ ބޭނުން ހިފުމުގެ ފުރުޞަތު ލިބިގެންދާނެއެވެ.
މި މޮޑެލް ތަޢާރަފުކުރުމާއެކު، އޭއައި ދާއިރާގައި ޗައިނާގެ ކުންފުނިތަކުގެ ދައުރު އިތުރަށް ފުޅާވެގެންދާނެ ކަމަށް ބެލެވެއެވެ. އަދި މިފަދަ ބޮޑެތި އޯޕަން-ސޯސް މޮޑެލްތައް ތަޢާރަފުކުރުމުގެ ސަބަބުން، އޭއައި ޓެކްނޮލޮޖީގެ ތަރައްޤީ އިތުރަށް އަވަސްވެގެންދާނެ ކަމަށްވެސް ލަފާކުރެވެއެވެ.