މި ވަގުތު ހޮލީވުޑްގައި ހުރި އެންމެ ޑިމާންޑު ބޮޑު ތަރީންގެ ތެރޭގައި ހިމެނޭ ޒުވާން އެކްޓަރު ޓިމޮތީ ޝަލަމޭ ރެޑް ކާޕެޓް އިވެންޓަކަށް ދިޔަ ގޮތް ވައިރަލް ވެއްޖެއެވެ.
ރެޑް ކާޕެޓް އިވެންޓުތަކަކީ އާންމު ގޮތެއްގައި ތަފާތު އެކި ލުކްތަކާއި އެކި އިންޓަވިއުތަކާ ގުޅިގެން އެކި ގޮތްގޮތަށް ވައިރަލް މަންޒަރުތައް ގިނަވާ އިވެންޓުތަކެކެވެ.
މި ފަހަރު ވައިރަލް ވެފައިވަނީ ޓިމޮތީ އިވެންޓަށް ދިޔަ ގޮތުގެ ސަބަބުންނެވެ. ޓިމޮތީގެ އެންމެ ފަހުގެ ފިލްމު ކަމަށްވާ "އަ ކޮމްޕްލީޓް އަންނޯން"ގެ ޕްރިމިއާ އިވެންޓު ވަނީ ދާދި ފަހުން އިނގިރޭސިވިލާތުގައި ބާއްވާފައެވެ. މި ރެޑްކާޕެޓް އިވެންޓަށް ޓިމޮތީ ގޮސްފައިވަނީ ލައިމް ލައިންގެ ބައިސްކަލެއްގައެވެ.
ލައިމަކީ އިނގިރޭސިވިލާތުގެ ޕަބްލިކް ޓްރާސްޕޯޓް ލައިންގެ ތެރެއިން ހިމެނޭ އެއް ބައެވެ. އޫބާގެ ދަށުން ހިންގާ ލައިމަކީ އިލެކްޓްރިކް ބައިސްކަލާއި ސްކޫޓަރު ހުންނަ ބްރޭންޑެކެވެ. ކުޑަ ފީއެއް ދައްކައިގެން އިނގިރޭސިވިލާތުގެ އެކި ކަންކޮޅުތަކުގައި ދުއްލާވެލޭއިރު މިއީ އަވަހަށް ތަނަކަށް ދާން ބޭނުންވާ މީހުންނަށް އޮތް ހަރަދުކުޑަ ގޮތެކެވެ. އިނގިރޭސިވިލާތުގެ އިތުރުން ޔޫރަޕްގެ އެކި ގައުމުތަކުގައި ވެސް ލައިމް މިހާރު ބޭނުން ކުރެއެވެ.
ޓިމޮތީ އިވެންޓަށް ގޮސްފައިވަނީ ލައިމްގެ އިލެކްޓްރިކް ބައިސްކަލެއްގައި ސޫޓަކާއި ފަޓުލޫނެއް ލައިގެންނެވެ. އޭނާ އިވެންޓަށް ގޮސްފައިވަނީ އެކަންޏެވެ. އެއަށް ފަހު ރެޑްކާޕެޓްގައި ބައިސްކަލު ހަރު ޖައްސާލުމަށް ފަހު ފޮޓޯތަކަށް ހުއްޓިފައިވެއެވެ.
ރެޑްކާޕެޓްގެ އިވެންޓްތަކުން ވައިރަލް ބޮޑެތި ކަންތައް ހިމެނެއެވެ. އޭގެ ތެރެއިން އެއް ފަހަރެއްގައި ލޭޑީ ގާގާ ވަނީ ފަހުން ފަރުމާކޮށްފައި ހުރި ހެދުމެއް ލައިގެން އިވެންޓަކަށް ގޮސްފައެވެ. އޭނާ ވަނީ އެހެން އިވެންޓަކަށް ޓްރޯޖަން ސްޓައިލް އަހެއްގައި ވެސް ގޮސްފައެވެ.