މާފަންނު ސަހަރާގައި ހުރި ޕަންޕު ސްޓޭޝަން ވަގުތީ ގޮތުން އޮޕަރޭޝަނަށް ގެނެސްފި

ޕަމްޕު ސްޓޭޝަންގެ މައްސަލަ: ޕަމްޕް ސްޓޭޝަން ހަލާކުވީ ކައުންސިލްގެ އިހުމާލުން ކަމަށާއި މިހާރު ވަގުތީ ގޮތުން އޮޕަރޭޝަނަަށް ގެނެވިއްޖެ ކަމަށް މިނިސްޓްރީއިން ބުނެފި ---

މާފަންނު ސަހަރާގައި ހަލާކުވެފައި ހުރި ޕަމްޕް ސްޓޭޝަންތައް މިހާރު ވަގުތީގޮތުން އޮޕަރޭޝަނަށް ގެނެވިފައި ވާކަމަށް މިނިސްޓްރީ އޮފް ކޮންސްޓްރަކްޝަން ހައުސިން އެންޑް އިންފްރާންސްޓްރަކްޗާއިން މިރޭ ބުނެފިއެވެ.

މިކަމާ ގުޅިގެން މިއަދު މިނިސްޓްރީން ނެރެފައިވާ ނޫސް ބަޔާނެއްގައި ވަނީ ވިއްސާރައިގެ ސަބަބުން މާލޭ ސިޓީގައި ފެންބޮޑުވުމުގެ މައްސަލަ ދިމާވާ ކޮންމެ ފަހަރަކު މިނިސްޓްރީން މާލޭގެ އެކި ސަރަހައްދުތަކުގައި ގާއިމްކޮށްފައިވާ ޕަމްޕް ސްޓޭޝަންތައް އިންސްޕެކްޓްކޮށް ސްޓޭޝަންތައް ރަނގަޅަށް މަސައްކަތްކުރޭތޯ ބަލާކަމަށެވެ.

އެގޮތުން ބެލިބެލުމުން މާފަންނު ސަހަރާގައި ގާއިމްކޮށްފައިވާ ޕަމްޕު ސްޓޭޝަނާއި ސްޓޭޝަނަށް ގުޅާފައިވާ ހޮޅިތައް ބޭނުން ނުކުރެވޭ ވަރަށް ހަލާކުވެފައި ވާކަން މިނިސްޓްރީއަށް ފާހަގަ ކުރެވުނު ކަމަށް މިނިސްޓްރީއިން ވަނީ ބުނެފައެވެ.

މިނިސްޓްރީން ބުނީ އެ ޕްމްޕު ސްޓޭޝާނަށް ގެއްލުން ވެފައި ވަނީ މާލެ ސިޓީ ކައުންސިލުން މާފަންނު ސަހަރާގައި ކުރަމުންކުރަމުންގެންދާ މަސައްކަތެއްގެ ތެރެއިން ޕަމްޕް ސްޓޭޝަނަށް ލިބިދާނެ އެއްވެސް ގެއްލުމަކަށް ބެލުމެއްނެތި އެ ސަރަހައްދު ކޮންނުމުގެ ސަބަބުން ކަމަށެވެ.

ޕަމްޕު ސްޓޭޝަންގެ މައްސަލަ: ޕަމްޕް ސްޓޭޝަން ހަލާކުވީ ކައުންސިލްގެ އިހުމާލުން ކަމަށާއި މިހާރު ވަގުތީ ގޮތުން އޮޕަރޭޝަނަަށް ގެނެވިއްޖެ ކަމަށް މިނިސްޓްރީއިން ބުނެފި ---

އަދި އެ މަސައްކަތް މާލެ ސިޓީ ކައުންސިލުން ކޮށްފައި ވަނީ މިނިސްޓްރީއާ އެއްވެސް މަޝްވަރާއެއް ކުރުމެއް ނެތި ކަމަށާއި މަސައްކަތާ ގުޅޭ އެއްވެސް މައުލޫމާތެއް މިނިސްޓްރީއާ ހިއްސާކޮށްފައި ނުވާކަން ވެސް މިނިސްޓްރީން ވަނީ ފާހަގަކޮށްފައެވެ.

"ޕަންޕު ސްޓޭޝަންތަކާއި ނެޓްވޯކް ޗެކްކޮށް، ރޯޑް ޑިވެލޮޕްމަންޓް ކޯޕަރޭޝަން ލިމިޓެޑް އަދި ސްޓޭޓް އިލެކްޓްރިކް ކޮމްޕެނީ ލިމިޓެޑްގެ އެހީތެރިކަމާއެކު މާފަންނު ސަހަރާގައި ބެހެއްޓިފައިވާ ޕަމްޕު ސްޓޭޝަން ވަގުތީގޮތުން މިހާރު ވަނީ އޮޕަރޭޝަނަށް ގެނެވިފައި،" އެ ބަޔާނުގައި ވެއެވެ.

މާލޭ ސިޓީ ކައުންސިލުން ޒިންމާދާރުކަން ކުޑަ ގޮތަކަށް މާފަންނު ސަހަރާ ކޮނުމުގެ މަސައްކަތް ކޮށްފައިވާކަމަށް މިނިސްޓާ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރު ޑރ. އަބްދުﷲ މުއްތަލިބު ތުހުމަތުކުރެއްވުމާއެކު، މާލޭ ސިޓީގެ މޭޔަރު އާދަމް އާޒިމާއި، މިނިސްޓަރާ ދެމެދުގައި ވަނީ ބޮޑު ދެބަސްވުމެއް ވެސް އުފެދިފައެވެ.

އެކްސްގައި ކުރެއްވި ޕޯސްޓެއްގައި މިނިސްޓަރު އަބްދުﷲ މުއްތަލިބް ވިދާޅުވީ މާލޭގެ މާފަންނު ސަހަރާގައި ހުރި ވޯޓާ ސްޓޯމް ފެން ޕަމްޕް ސްޓޭޝަން އެންގުމަކާ ނުލައި ކައުންސިލުން ރޫޅާލައިފައިވާ ކަމަށާއި މިކަމުގެ ސަބަބުން ވަށައިގެންވާ ސަރަޙައްދުގައި ފެންބޮޑުވުމުގެ މައްސަލަ ދިމާވަމުން އަންނަ ކަމަށެވެ.

އެއީ ކައުންސިލުން ކުރި ވަރަށް ޒިންމާދާރުކަން ކުޑަކަމެއްކަމަށް ވިދާޅުވެ އެތަން މަރާމާތުކުރެވޭނެ ގޮތެއް ހޯދުމުގެ މަސައްކަތްކުރަމުން އަންނަކަމަށް މުއްތަލިބު ވިދާޅުވިއެވެ.

https://sun.mv/201235

އެ ޓްވީޓަށް ރައްދު ދެއްވައި މާލޭ ސިޓީގެ މޭޔަރު އާޒިމް ވިދާޅުވީ ކުރިން ވެސް އެ ފެން ޕަމްޕް ސްޓޭޝަން ހުރީ ހަލާކުވެފައި ކަމަށާއި އެ ސްޓޭޝަންއަށް ހުރީ ގެއްލުންދީފައިކަމަށެވެ. އެ ސްޓޭޝަން ހަލާކުވެފައި ހުންނަތާ ފަސް މަހަށްވުރެ ގިނަދުވަސް ވެފައިވާކަމަށް ވެސް އާޒިމް ވަނީ ވިދާޅުވެފައެވެ.

ވާރޭވެހޭ ދުވަސްތަކުގައި މާލެ ތެރޭގައި ފެންބޮޑުވެ، އާއްމުންނަށް ދުވަހުގެ މަސައްކަތަތައް ކުރުމަށް ބޮޑެތި ތަކުލީފުތައް އުފުލަން ޖެހޭކަމަށާއި އެކަން އެހެން ހުރުމުން ޝަކުވާތައް ވެސް ހުށަހަޅަމުން ގެންދާކަމަށް އާޒިމް ވަނީ ވިދާޅުވެފައެވެ.

ރޭ މާލެއަށް ކުރި ވިއްސާރައިގައި މިއަދު ހެނދުނު ވެސް ވަނީ މާލޭގެ ބޮޑު ސަރަހައްދަކަށް ފެންބޮޑުވެފައެވެ.

comment ކޮމެންޓް