މާލޭގައި ގެއެއް އިމާރާތްކުރި އިރު، ޝީޓު ޕައިލް ނުކޮށް ހުރުމުން ޖެހިގެން ހުރި ގޭގައި ރެނދުލައި، އިމާރާތް ގަނބަން ފަށައިފިއެވެ.
މިކަމާ ގުޅިގެން މާލޭ ސިޓީ ކައުންސިލުން ބުނީ، ރެނދުއަޅައި އަޑިއަށްދާތީ ރިޕޯޓުކޮށްފައި ވަނި، މ. ލަކީ ހެވެން ނަމަކަށް ކިޔާ ގެއެއް ކަމަށެވެ. އަދި މިހާރު މިގެ ހުސްކޮށް، ގޭގައި ދިރިއުޅޭ މީހުންނަށް ވަގުތީ ބޯހިޔާވަހިކަން ފޯރުކޮށްދޭން ފަށާފައި ވާކަމަށް ސިޓީ ކައުންސިލުން ބުންޏެވެ.
މާޅޭގެ ގެއެއްގައި ރެނދުއަޅާ އަޑިއަށްދާތީ އެގޭގައި ދިރިއުޅޭ މީހުން ހުސްކުރަނީ --- ފޮޓޯ/ މާލެ ސިޓީ ކައުންސިލް
ސިޓީ ކައުންސިލުން ބުނީ ގެ ގަނބަން މެދުވެރިވީ އެ ގެއާ ޖެހިގެން އިމާރާތްކުރާ މ. ނެވިގޭޓާގައި ޝީޓް ޕައިލްނުކޮށް ހުރުމުގެ ސަބަބުން ލަކީ ހެވެން އިމާރާތުގައި ރެނދުއަޅައިގެން ކަމަށް ލަފާކުރެވޭ ކަމަށެވެ.
މާޅޭގެ ގެއެއްގައި ރެނދުއަޅާ އަޑިއަށްދާތީ އެގޭގައި ދިރިއުޅޭ މީހުން ހުސްކުރަނީ --- ފޮޓޯ/ މާލެ ސިޓީ ކައުންސިލް
ސިޓީ ކައުންސިލުން ބުނީ އެގޭގައި ހަތަރު ކޮޓަރިއެއްގައި ހަތަރު އާއިލާ ދިރިއުޅޭ ކަމަށެވެ. ވަގުތީ ބޯހިޔާވަހިކަން ފޯރުކޮށްދިން މީހުންގެ ތެރޭގައި 18 އަހަރު ނުފުރޭ ތިން ކުދީންނާއި ހަ މީހުން ހިމެނެއެވެ.
އެ ގޭގެ ދެ ބައެއްގައި ބިދޭސީން ވެސް ކުއްޔަށް އުޅޭ ކަމަށް ސިޓީ ކައުންސިލުން ވަނީ މައުލޫމާތު ދީފައެވެ.