މިފްކޯގެ ޗެއާމަންކަމުގެ މަގާމުގައި ހުންނެވި އަޙްމަދު ޝަރީފް މަސްވެރިކަން ކުރިއަރުވަން އުފެއްދި މޯލްޑިވްސް ފިޝަރީޒް އެންޑް އޯޝަން ރިސޯސަސް މާކެޓިން އެންޑް ޕްރޮމޯޝަން ލިމިޓެޑް (އެމްއެފްއޯއާރުއެމްޕީސީ)ގެ ޗެއާމަންކަމަށް މިއަދު ބަދަލުކޮށްފިއެވެ.
ޕްރައިވެޓައިޒޭޝަން އެންޑް ކޯޕަރައިޓައިޒޭޝަން ބޯޑު (ޕީސީބީ)އިން މިއަދު ބުނީ މިފްކޯގެ ޗެއާމަންކަމުން މިއަދު އޭނާ ވަކިކޮށްފައިވާ ކަމަށެވެ. އަދި މިއަދު އެމްއެފްއޯއާރުއެމްޕީސީގެ ޗެއާމަންކަމަށް އައްޔަންކޮށްފައިވާ ކަމަށެވެ.
ރާއްޖޭގެ މަސްވެރިކަމުން އުފައްދާ އުފެއްދުންތައް ބައިނަލްއަގުވާމީ ބާޒާރުގައި އިޝްތިހާރުކޮށް ޕްރޮމޯޓްކުރަން، ސައްތައިން ސައްތަ ސަރުކާރު ހިއްސާވާ ކުންފުނި އެމްއެފްއޯއާރުއެމްޕީސީއަށް ވަނީ އެމްޑީއަކާއި ހަތަރު ބޯޑު މެންބަރުން އައްޔަނުކޮށްފައެވެ. އެއީ:
- އެމްއެފްއޯއާރުއެމްޕީސީގެ މެނޭޖިން ޑިރެކްޓަރު: އަހުމަދު ޒަރީރު
- އެމްއެފްއޯއާރުއެމްޕީސީގެ މެންބަރު: މުންޝިދާ އިބްރާހީމް
- އެމްއެފްއޯއާރުއެމްޕީސީގެ މެންބަރު: އަހުމަދު ޝިފާޒް
- އެމްއެފްއޯއާރުއެމްޕީސީގެ މެންބަރު: އަހުމަދު ޔާމީން
- އެމްއެފްއޯއާރުއެމްޕީސީގެ މެންބަރު: އާދަމް މަނިކު
މިއީ ފެބްރުއަރީ މަހު އުފެއްދި ކުންފުންޏެކެވެ.