ރޮބަޓް ޕެޓިންސަން ބެޓްމޭންގެ ރޯލު ކުޅުނު ފިލްމު "ދަ ބެޓްމޭން" ގެ ސީކުއެލް ރިލީޒްކުރުން ދެ އަހަރަށް ލަސްކޮށްފިއެވެ.
ވޯނާ ބްރޮސްގެ ދަ ބެޓްމޭންގެ ފުރަތަމަ ބައެއް ރިލީޒްކޮށްފައިވަނީ 2022 ވަނަ އަހަރެވެ. ފިލްމުގެ ކާމިޔާބީއާ އެކު ސީކުއަލް އެއް އުފައްދާނެ ކަމަށް ޕްރޮޑަކްޝަނުން އިއުލާނުކުރިއެވެ. ފިލްމުގެ ރިލީޒްކުރުން އެންމެ ފުރަތަމަ ޕްލޭންކޮށްފައިވަނީ އަންނަ އަހަރަށެވެ.
ނަމަވެސް، ފިލްމު ރިލީޒްކުރުމުގެ ތާރީޚު މިހާރު ވަނީ ފަސްކޮށްފައެވެ. ބެޓްމޭން މިހާރު ފަސްކޮށްފައިވަނީ 2027 ވަނަ އަހަރުގެ އޮކްޓޯބަރު މަހުގެ ދެވަނަ ދުވަހަށެވެ. މިއީ ފިލްމު ރިލީޒްކުރުމުގެ ތާރީޚު ޑިލޭކުރި ދެވަނަ ފަހަރެވެ. އެންމެ ފުރަތަމަ ޑިލޭކޮށްފައިވަނީ 2026 އަށެވެ. ނަމަވެސް، އަނެއްކާ ވެސް ފިލްމު މި އޮތީ ޑިލޭ ވެފައެވެ.
ފިލްމު ޑިލޭ ކުރިއިރު ފިލްމު ޑިލޭކޮށްފައިވާ ސަބަބެއް ހާމަކޮށްފައެއް ނުވެއެވެ. ނަމަވެސް، ބައެއް ލީކްތަކުން ބުނާގޮތުގައި ފިލްމުގެ ސްކްރިޕްޓް އަލުން ލިޔާތީ ފިލްމު ޑިލޭ ވަނީއެވެ.
ޕެޓިންސަން ފެނިގެން ދިޔަ ބެޓްމޭން ފިލްމު ވީ ބޮޑު ހިޓަކަށެވެ. މި ފިލްމުވެފައިވަނީ އެ އަހަރު ނެރުނު އެންމެ ބޮޑު ފިލްމުތަކުގެ ތެރެއިން ފިލްމަކަށެވެ. އެގޮތުން، ފިލްމުގެ އާމްދަނީ 800 މިލިއަން ޑޮލަރާ ގާތް ކުރެއެވެ.
ފުރަތަމަ ފިލްމާ އެއްގޮތަށް ދެވަނަ ފިލްމު ވެސް ޑައިރެކްޓްކުރަން ހަމަޖެހިފައިވަނީ މެޓް ރީވްސެވެ.
ރޮބާޓް ޕެޓިންސަންގެ އިތުރުން ފުރަތަމަ ފިލްމުން ފެނުނު ޒޯއީ ކްރެވިޓްސްއާއި ޕޯލް ޑޭނޯއެވެ. ދެވަނަ ފިލްމުން ވެސް ކްރެވިޓްސް ފެންނާނެ ކަމަށް މައުލޫމާތު ލިބެއެވެ. ނަމަވެސް، ފިލްމުގެ އިތުރު ކާސްޓުތަކެއް އަދި އިއުލާނުކޮށްފައެއް ނުވެއެވެ.