ސޫރިއާގެ ކުރީގެ ރައީސް ބައްޝާރުލް އަސަދުގެ ވެރިކަން ވެއްޓުނު ފަހުން ގާތްގަޑަކަށް 31،00 ސޫރިއާ މީހުން އެނބުރި ގައުމަށް ގޮސްފައިވާ ކަމަަށް ސޫރިއާ ތިން މިލިއަނެއްހައި ރެފިއުޖީން ހިޔާވަހިކަން ހޯދާ އަވަށްޓެރި ތުރުކީގެ އިންޓީރިއާ މިނިސްޓަރު ވިދާޅުވެއްޖެއެވެ.
ދެހާސް އެގާރަ ވަނަ އަހަރު، ހަނގުރާމައަށް ފަހު އެތައް މިލިއަން ބަޔަކު ސޫރިއާއިން ފިލައިގެން ދިޔައެވެ.
ތުރުކީގެ އިންޓީރިއާ މިނިސްޓަރު ޢަލީ ޔެރްލިކާޔާ ތުރުކީގެ ދައުލަތުގެ ނޫސް، އަންޑޯލްއަށް ދެއްވި އިންޓަވިއުއެއްގައި ވިދާޅުވީ ސޫރިއާގެ 30،663 މީހުން އެނބުރި ގޮސްފައިވާ ކަމަށާއި 2025 ވަނަ އަހަރުގެ ފުރަތަމަ ކުއާޓަރުގައި ތިން ފަހަރު ތުރުކީއަށް ވަދެ ނުކުމުގެ އުޅުމުގެ ހުއްދަ ދޭނެ ކަމަށެވެ.
އަދި ތުރުކީގައި ދިރިއުޅޭ ގިނަ ރެފިއުޖީންނަކީ ސޫރިއާގެ ދެވަނައަށް އެންމެ ބިޑު ސިޓީ ހަލަބްގެ މީހުން ކަމަށާއި އެ ތަނުގައި "މައިގްރޭޝަން މެނޭޖްމަންޓް އޮފީހެއް" ވެސް ތުރުކީން ހުޅުވާނެ ކަމަށް ޢަލީ ވިދާޅުވިއެވެ. އަދި ހަލަބުގައި ހުންނަ ކޮންސިއުލޭޓް ޖެނެރަލް ދެތިން ދުވަސް ފަހުން އަލުން ހުޅުވާނެ ކަމަށް ވެސް އޭނާ އިތުރަށް ވިދާޅުވިއެވެ.
ހަޔާތު ތަހުރީރު އަލް ޝާމް (އެޗްޓީއެސް) ގެ ހަނގުރާމަވެރިން ޑިސެމްބަރު އަށްވަނަ ދުވަހު ބައްޝާރުގެ ވެރިކަން ވައްޓާލިތާ ހަ ދުވަސް ފަހުން ތުރުކީގައި ހުންނަ ދިމިޝްގު އެމްބަސީ އަލުން ހުޅުވީ ޑިސެމްބަރު މަހުގެ 14 ވަނަ ދުވަހެވެ.
މީގެ އިތުރުން ވެރިރަށް ދިމިޝްގުގައި އަދި އެހެން ތަންތަނުގައި ވެސް ސޫރިއާގެ ރައްޔިތުން ވަނީ ބައްޝާރުގެ ގާތްގަނޑަކަށް 25 އަހަރުގެ ވެރިކަމުގައި މަރާލައި ޖަލަށްލާފައިވާ މީހުންގެ ހަނދާނުގައި ދުވަހެއް ފާހަގަކޮށްފައެވެ.