އާ އަހަރުގެ ދެވަނަ ދުވަހަކީ ވެސް ރަސްމީ ބަންދު ދުވަހެއްގެ ގޮތުގައި ރައީސް ޑރ. މުޙައްމަދު މުއިއްޒު ކަނޑައަޅުއްވައިފިއެވެ.
ރައީސް އޮފީހުން ބުނީ، އެ ދުވަސް ބަންދު ދުވަހެއް ކަމަށް ރައީސް ކަނޑައެޅުއްވީ އާ އަހަރު ފެށޭ ދުވަހަކީ ބަންދު ދުވަހެއް ކަމަށްވެފައި، ޖެހިގެން އަންނަ ޖެނުއަރީ ދެވަނަ ދުވަހަކީ ބުރާސްފަތި ދުވަހަކަށް ވާތީ މުވައްޒަފުންނަށް ޗުއްޓީ ހަމަޖައްސައިދެއްވުމަށް ޓަކައި ކަމަށެވެ.
މީގެ ކުރިން ވެސް ރަސްމީ ބަންދު ދުވަސްތަކާ ގުޅުވައި، ބަންދު ދުވަސްތައް އިތުރުކުރުމަށް ޓަކައި މިފަދައިން އަމަލުކުރެއެވެ.
މީލާދީ އާ އަހަރާ ދިމާކޮށް މާލެ ސަރަހައްދާއި ރަށްރަށުގައި ތަފާތު ހަރަކާތްތައް ބާއްވައެވެ. އަދި ސްކޫލް ޗުއްޓީއާ ދިމާވާތީ، މި ދުވަސްވަރަކީ މީހުން ދަތުރުފަތުރު ކުރުން ވެސް އިތުރުވާ ދުވަސްވަރެކެވެ.