މަރުކަޒީ ބޭންކު، އެމްއެމްއޭގެ ޑާޓާ އާޓް ކޮމްޕެޓިޝަނަށް ވޯޓްދޭ ފަރާތްތަކުގެ މެދުގައި، ގުރުއަތުން ހޮވޭ ފަރާތަކަށް 5،000 ރުފިޔާގެ ކޮމަމަރޭޓިވް ނޫޓެއް ދިނުމަށް ނިންމައިފިއެވެ.
އެމްއެމްއޭގެ ޑާޓާ އާޓް ކޮމްޕެޓިޝަނަކީ އެ އިދާރާގެ މުވައްޒަފުންނަށް ޚާއްސަކޮށްގެން ކުރިއަށް ގެންދިޔަ އާޓް މުބާރާތެކެވެ.
އެމްއެމްއޭއިން ބުނީ، މި މުބާރާތުގެ އެއް މަގުސަދަކީ ތަފާސް ހިސާބު، އާޓްވޯކެއް ގޮތަށް ގެނެސްދިނުން ކަމަށެވެ.
މި މުބާރާތުގެ ސަބަބުން ތަފާސް ހިސާބު ތަފާތު އަދި އުފެއްދުންތެރި ގޮތަކަށް ގެނެސްދިނުމަށް މަގުފަހިވެގެންދާނެ ކަމަށް އެ އިދާރާއިން ބުންޏެވެ. މީގެ ސަބަބުން ތަފާސް ހިސާބަށް އޮންނަ ހޭލުންތެރިކަން އިތުރުވެގެންދާނެ ކަމަށް އުންމީދުކުރާކަމަށް އެމްއެމްއޭ އިން ވަނީ ބުނެފައެވެ. މި މުބާރާތުގައި ބައިވެރިވެރިވީ އެމްއެމްއޭގެ ހަ ޓީމެކެވެ.
މި މުބާރާތަށް ވޯޓުދޭ ފަރާތްތަކުގެ މެދުގައި ގުރުއަތުން ހޮވޭ ފަރާތަކަށް 5،000 ރުފިޔާގެ ނޫޓެއް ލިބޭއިރު، ވޯޓް ދިނުމުގެ އެންމެ ފަހު ވަގުތަކީ މާދަމާ މެންދުރު 12:00އެވެ.
މި ލިންކު މެދުވެރިކޮށް ވޯޓު ދެވޭނެއެވެ.