މޯލްޑިވްސް އިންލެންޑް ރެވެނިއު އޮތޯރިޓީ (މީރާ)ގެ ޑިރެކްޓަރުންގެ ބޯޑުގައި ހުސްވެފައިވާ މަގާމަށް ދަހާ ޝުއައިބް، ހ. ކެރީބިއަން އައްޔަނުކުރުމަށް ރައްޔިތުންގެ މަޖިލީހުން މިއަދު ފާސްކޮށްފިއެވެ.
މީރާގެ ޑިރެކްޓަރުންގެ ބޯޑަށް މެންބަރަކު އައްޔަނުކުރެއްވުމަށްޓަކައި ރައީސުލްޖުމްޙޫރިއްޔާ ފަސް ނަމެއް ފޮނުއްވިއެވެ. އެއީ:
- ދަހާ ޝުއައިބް، ހ. ކެރީބިއަން
- އަހުމަދު ފާއިޒް މުހައްމަދު، އަސްރަފީހިޔާ، ލ. މާވަށް
- އަބްދުﷲ އިމްރާން، މާލަމް، ރ. ހުޅުދުށްފާރު
- މަހުޒޫމް ސަލީމް، ޝަބްނަމްގެ، ކ. ކާށިދޫ
- އައިމިނަތު އާފިޔާ، ދަފްތަރު ނަންބަރު ރ.ސ. 13462
މަޖިލީހުގެ އިގުތިސާދީ ކޮމިޓީން ފާސްކުރީ އެ މަގާމަށް ދަހާ އައްޔަނުކުރުމަށް ރުހުން ދިނުމަށެވެ. އެ މަގާމަށް އައްޔަންކުރަން ދަހާއަށް ރުހުންދިނީ 69 މެންބަރުންގެ އިއްތިފާގުންނެވެ.
ރައީސް އޮފީހުން މީރާގެ ބޯޑު މެންބަރުކަމުގެ މަގާމަށް ކުރިމަތިލުމުގެ ފުރުސަތު ހުޅުވާލީ މިދިޔަ މަހުގެ 17ގައެވެ. އެ މަގާމަށް ކުރިމަތިލާން ހުޅުވާލީ ބޯޑު މެންބަރެއްގެ ދައުރު ހަަމަވާތީއެވެ.
މީރާގެ ބޯޑުގައި މި ވަގުތު ހަތް މެންބަރުން ތިއްބަވައެވެ. އެއީ، ކޮމިޝަނާ ޖެނެރަލް އޮފް ޓެކްސްޓޭޝަން ހަސަން ޒަރީރު، ޑެޕިއުޓީ ޗެއާޕާސަން ލީނާ މުހައްމަދު ޒާހިރު ހުސައިން، ޗެއާޕަސަން އަހުމަދު ސާއިދު މުސްތަފާ، ބޯޑު މެންބަރު އައިޝަތު އަޝާ އަލީ، ބޯޑު މެންބަރު މަހްޒޫމް ސަލީމް އަދި ބޯޑު މެންބަރު މުމްތާޒް އަބްދުއްރަޝީދުގެ އިތުރުން ބޯޑު މެންބަރު ހުޝާމް ވަހީދެވެ.