ގޫގުލްގެ އޭއައި އެސިސްޓެންޓް ޖެމިނައިގެ ވެބް އިންޓަފޭސް އަދި އެންޑްރޮއިޑް އެޕްގެ ޑިޒައިން އަޕްޑޭޓްކޮށްފިއެވެ.
ޖެމިނައިގެ ޑިޒައިނަށް ކުދިކުދި ބަދަލުތަކެއް ގެނެސްފައިވާއިރު، މި ކުދިކުދި ބަދަލުތަކުން އާޓިފިޝަލް އިންޓެލިޖެންސް (އޭއައީ) ޗެޓްބޮޓް ބޭނުންކުރަން ފަސޭހަވެ، އިތުރު މަޢުލޫމާތު ދައްކައިދޭނެއެވެ.
މި ބަދަލުތަކުގެ ތެރޭގައި ވެބްގައި ޓެކްސްޓް ފީލްޑް އަލުން ޑިޒައިންކޮށް، ބައެއް އައިކަންތަކަށް ބަދަލު ގެނެސްފައިވެއެވެ.
އެންޑްރޮއިޑް އެޕްގައި މޮޑެލްގެ މަޢުލޫމާތު ދައްކައި، ސޭވްޑް އިންފޯ މެނޫ އިތުރުކޮށްފައިވާއިރު، ސޭވްޑް އިންފޯ ވަނީ ފާއިތުވި މަހު ޖެމިނައި އަށް ތަޢާރަފުކޮށްފައެވެ. އަދި މިއިން ޗެޓްބޮޓަށް ބޭނުންކުރާ މީހާގެ މަޢުލޫމާތު ހަނދާންކުރެވޭނެއެވެ.
ފަހުން ގެނައި ބަދަލުތަކުގެ ތެރެއިން އެންމެ ބޮޑަށް ފާހަގަވާ ބަދަލަކީ ޖެމިނައިގެ ވެބްސައިޓް ވާޝަން މިހާރު އެޕް ވާޝަނާ އެއްގޮތްކޮށްފައި ވުމެވެ. އެކަމަކު މިއީ ޑިޒައިންގެ ކުޑަ ބަދަލެއް ކަމާއި، މިބަދަލުން އަސަރުކުރާނީ އިންޓަފޭސްގެ ޓެކްސްޓް ފީލްޑަށް އެކަނި ކަމަށް ގޫގުލް އިން ބުނެވެ.
ކުރިން އަޕްލޯޑް އިމޭޖަސް (ހިލޭ ބޭނުންކުރާ މީހުންނަށް) ނުވަތަ ޕްލަސް އައިކަން (ޖެމިނައި އެޑްވާންސްޑް ސަބްސްކްރައިބަރުންނަށް) ހުރީ ޓެކްސްޓް ފީލްޑްގެ ކަނާތްފަރާތުގައެވެ.
ނަމަވެސް މިހާރު މި އައިކަން ވަނީ ވާތްފަރާތަށް ބަދަލުކޮށްފައެވެ. "އާސްކް ޖެމިނީ" ޓެކްސްޓް މިހާރު ވަނީ ޕްލަސް ނުވަތަ އަޕްލޯޑް އިމޭޖަސް އައިކަންގެ އަރިމަތީގައެވެ. ވާތްފަރާތުގައި ވަނީ ހަމައެކަނި މައިކްރޯފޯން އައިކަންއެވެ.
މިއީ ކުޑަ ބަދަލެއް ކަމުގައިވިޔަސް، މިބަދަލުގެ ސަބަބުން މުޅި ޓެކްސްޓް ފީލްޑް ސާފުކޮށް ފެންނަ ގޮތަށް ހުރުމާއެކު، އެކްސިޑެންޓަލް ޓެޕްތައް މަދުވާނެއެވެ.
ޖެމިނައިގެ އެންޑްރޮއިޑް އެޕަށް ބަލާއިރު، އެއަށްވެސް ވަނީ ބައެއް ޑިޒައިން ބަދަލުތައް ގެނެސްފައެވެ. ފުރަތަމަ ކަމަކަށް، ޔޫޒަރުންނަށް މިހާރު ސްކްރީންގެ މަތީގައި އޭއައީ މޮޑެލްގެ މަޢުލޫމާތު ފެންނާން ހުންނާނެއެވެ.
ހޯމްޕޭޖްގައި ހުންނައިރު، ބޭނުންކުރާ މީހުންނަށް ފެންނާނީ ޖެމިނައި އެޑްވާންސްޑް އަދި އޭގެ ފަހަތުން 1.5 ޕްރޯ ޓެކްސްޓެވެ. މިއިން ދައްކުވައިދެނީ މިހާރުގެ މޮޑެލްއަކީ ޖެމިނައި 1.5 ޕްރޯ ކަމެވެ. މިއީ ހިސްޓްރީއާއި އެކައުންޓް މެނޫގެ ދެމެދުގައި ދައްކާ މަޢުލޫމާތެވެ.
ޕިކްސެލް ޑިވައިސްތަކުގައި، މި މަޢުލޫމާތުގެ ބަދަލުގައި ހުންނާނީ ޖެމިނައި 1.5 ފްލޭޝްއެވެ.
ޔޫޒަރަކު ޗެޓްބޮޓާއެކު ވާހަކަ ފަށައިފިނަމަ، ޖެމިނައި އެޑްވާންސްޑް ޓެކްސްޓްގެ ބަދަލުގައި ހުންނާނީ ހަމައެކަނި "1.5 ޕްރޯ" އެވެ. މިކަން ފުރަތަމަ ފާހަގަކޮށްފައިވަނީ 9to5Google އިންނެވެ.
ދެވަނަ ކަމަކަށް، ސޭވްޑް އިންފޯ މެނޫ މިހާރު ވަނީ އެކައުންޓް މެނޫއަށް އިތުރުކޮށްފައެވެ. ނަމަވެސް އެއަށް ޓެޕްކުރުމުން ބްރައުޒާ ވިންޑޯއެއްގައި ސޭވްޑް އިންފޯ ވެބްސައިޓަށް ގެންދެއެވެ.