މަރުކަޒީ ބޭންކް، އެމްއެމްއޭގެ ބޯޑުގައި ޕްރައިވެޓް ސެކްޓަރު ތަމްސީލްކުރައްވާ ދެ މެމްބަރުން މަގާމުން މިއަދު ވަކިކޮށްފިއެވެ.
ވަކިކޮށްފައިވަނީ މަޓީގެ ޑެޕިއުޓީ ސެކްރެޓަރީ ޖެނެރަލް އައްސަދާއި މޯލްޑިވްސް އިންޓަނޭޝަނަލް އާބިޓްރޭޝަން ސެންޓަރުގެ ޗެއާމަން ޝަހުދީ އަންވަރެވެ.
އެ ދެ ބޭފުޅުން މަގާމުން ވަކިކުރިކަން އެމްއެމްއޭގެ އޮފިޝަލަކު ވަނީ "ސަން"އަށް ކަށަވަރުކޮށްދެއްވައިފައެވެ. ނަމަވެސް ވަކިކުރަން ނިންމި ސީދާ ސަބަބު ހާމަނުކުރައްވައެެވެ.
އޮފިޝަލް ވިދާޅުވީ މިއީ ބޯޑަށް ދޭތެރެއަކުން ގެންނަ ބަދަލުތަކުގެ ތެރެއިން ގެނައި ބަދަލެއް ކަމަށެވެ.