ބޮލީވުޑް އެކްޓަރު އަޖޭ ދޭވްގަން ލީޑް ރޯލް ކުޅުނު ފިލްމު "ރެއިޑް"ގެ ސީކުއަލް އަންނަ އަހަރުގެ މެއި މަހު ސިނަމާތަކަށް ގެންނަން ނިންމައިފިއެވެ.
ރާޖް ކުމާރު ގުޕްތާ ޑައިރެކްޓްކޮށް ބޫޝަން ކުމާރު އަދި އިތުރުން ތިން މީހަކު ޕްރޮޑިއުސްކުރާ ފިލްމު "ރެއިޑް 2" ސިނަމާތަކުގައި އަޅުވަން ނިންމާފައި ވަނީ މެއި މަހުގެ އެއްވަނަ ދުވަހުއެވެ.
އަޖޭ ދޭވްގަން އިންކަމް ޓެކްސް އޮފިސަރެއްގެ ރޯލް ކުޅުނު "ރެއިޑް" އަކީ އާމްދަނީގެ ޓެކްސްއަށް މަކަރު ހަދާ މީހުންތަކެއް އަތުލައިގަތުމަށް 1980އިގެ އަހަރުތަކުގެތެރޭ އިންޑިއާގައި ކުރިއަށްގެންދިޔަ ރެއިޑް ހާދިސާއެއްގެ މައްޗަށް ބިނާކޮށް އުފެއްދި ފިލްމެކެވެ.
ފިލްމީ ތަރި އަޖޭ ދޭވްގަން އަދި ބަތަލާ ވާނީ ކަޕޫރު--ފޮޓޯ/ބޮލީވުޑްހަންގާމާ
ޕްރޮޑިއުސަރު ބުޝަން ކުމާރު ބުނިގޮތުގައި "ރެއިޑް 2" ވެސް ގެނެސްދޭނީ މިފަދަ ހަގީގީ ހާދިސާތަކުގެ މައްޗަށް ބިނާކޮށެވެ. ފިލްމު "ރެއިޑް" މަލްޓި-ފްރެންޗައިސް އަކަށް ހަދަން ބޭނުންވާ ކަމަށާއި މި ސީރީސްގެ ފިލްމުތައް މުޅިންވެސް ބިނާކުރާނީ މިފަދަ ހަގީގީ ވަރުގަދަ ހާދިސާތަކުގެ މައްޗަށް ކަމަށް ބުޝަން ކުމާރު ވަނީ ތަންކޮޅެއް ކުރިން މީޑިއާއަށް ދިން އިންޓަވިއުއެއްގައި ވެސް ބުނެފައެވެ.
ބަތަލާ އިލިއާނާ ޑި ކްރޫޒް ބަތަލާގެ ރޯލް ކުޅުނު މި ފިލްމުގެ ދެވަނަ ބައިން އަޖޭއާ އެކު މިފަހަރު ފެންނާނީ ވާނީ ކަޕޫރެވެ. ޖުމްލަ 45 ކްރޯޑް ރުޕީސް (6 މިލިއަން ޑޮލަރު) ގެ ބަޖެޓަކުން ހެދި "ރެއިޑް" އަކީ ބޮކްސް އޮފީހުގައި 142.81 ކްރޯޑް ރުޕީސް (19 މިލިއަން ޑޮލަރު) ގެ އާމްދަނީއެއް ހޯދި ފިލްމެކެވެ.
ޖުމްލަ 45 ކްރޯޑް ރުޕީސް (6 މިލިއަން ޑޮލަރު) ގެ ބަޖެޓަކުން ހެދި "ރެއިޑް" އަކީ ބޮކްސް އޮފީހުގައި 142.81 ކްރޯޑް ރުޕީސް (19 މިލިއަން ޑޮލަރު) ގެ އާމްދަނީއެއް ހޯދި ފިލްމެކެވެ. ފިލްމު "ރެއިޑް 2" އަންނަ އަހަރު ރިލީޒް ކުރާނެކަން އިއުލާނު ކުރިއިރު އެންމެ ފުރަތަމަ ފިލްމު ގެނެސްދޭން ނިންމީ މިދިޔަ ނޮވެމްބަރު މަހުގެ 15ވަނަ ދުވަހުއެވެ.