މެއިންޓެނެންސްގެ މަސައްކަތަށް ބީއެމްއެލް އެޕްގެ ޚިދުމަތް މިރޭ 90 މިނެޓަށް މެދުކަނޑާލާނެ ކަމަށް އެ ބޭންކުން ބުނެފިއެވެ.
ބީއެމްއެލްއިން އެކްސްގައި ކޮށްފައިވާ ޕޯސްޓެއްގައި ބުނީ މޮބައިލް އެޕާއި އިންޓަނެޓް ބޭންކިންގެ ޚިދުމަތް މެދުކެނޑޭނީ 02:00އިން 03:30އާ ހަމައަށް ކަމަށެވެ.
އެހެން ނަމަވެސް އެ ވަގުތުގައި ބީއެމްއެލްގެ އިތުރު ޚިދުމަތްތައް ލިބޭނެ ކަމަށް ވަނީ ބުނެފައެވެ. އެ ގޮތުން އޭޓީއެމް، ޕީއޯއެސް މެޝިން، ޕޭމެންޓް ގޭޓްވޭއަދި ކާޑުގެ ޚިދުމަތްތަކާއި ޔޫއެސްޑީ ބުކިން ޕޯޓަލްގެ ޚިދުމަތް ލިބޭނެ ކަމަށް އެ ބޭނުންކުން ވަނީ ބުނެފައެވެ.
އިންޓަނެޓް ބޭންކިންގެ ޚިދުމަތް މެދުކެނޑާލުމަށް ހަމަޖެހިފައިވާތީ، އެ ކަމަށް ޓަކައި ކަސްޓަމަރުންނަށް ދިމާވެދާނެ ދަތިތަކަށް ބޭންކުންވަނީ މައާފަށް އެދިފައެވެ.
ނަގުދު ފައިސާއާއި ކާޑުތަކުގެ އިތުރަށް، އެޕާއި އިންޓަނެޓް ބޭންކިން މެދުވެރިކޮށް ފައިސާގެ މުއާމަލާތްތައް ކުރުން މިހާރު ވަނީ ވަރަށް ބޮޑަށް އިތުރުވެފައެވެ.