ހުޅުމާލޭ ފުރަތަމަ ފިޔަވަހީގެ ފަޅުތެރެއިން މަރުވެފައި އޮތް މީހަކު މިއަދު ފެނިއްޖެއެވެ.
ފުލުހުންގެ ތަރުޖަމާނު އެސިސްޓެންޓް ކޮމިޝަނާ އޮފް ޕޮލިސް އަހުމަދު ޝިފާން "ސަން"އަށް ވިދާޅުވީ، އެ މީހާގެ ހަށިގަނޑު ފެނުނީ 16:30ހާއިރު ހުޅުމާލެ ފަޔާ ސްޓޭޝަނާ ދިމާލުން ކަމަށެވެ.
އެ މައްސަލައާ ގުޅޭ ގޮތުން ފުލުހުން އިތުރަށް ބުނީ، އެއީ ފިރިހެނެއް ކަމަށާއި އެ މީހާ ހުޅުމާލޭ ހޮސްޕިޓަލަށް ގެންދިޔައިރު ވެސް މަރުވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށެވެ.
މިދިޔަ ބުދަ ދުވަހު، މާލޭގައި ހުންނަ ދަރުމަވަންތަ ހޮސްޕިޓަލާ ދިމާ ބޭރު ތޮށި މޫދުން އަނިޔާވެފައި އޮތް މީހަކު ފެނިފައިވާއިރު، އެ މީހާގެ ބޮލުގައި އުޅަނދަކުން ޖެހިފައިވާކަމަށް ބެލެވޭ ކަމަށް އައިޖީއެމްއެޗުން ބުނެފައިވެއެވެ. އެ މީހާ ވަނީ އެ ދުވަހު ނިޔާވެފައެވެ.