ހުޅުމާލޭ ދެވަނަ ފިޔަވަހީގައި ހުންނަ ހިޔާ ޓަވަރު ނުވައެއް އަދި 10ގައި އުޅޭ މީހުންނާ އެކު ފުލުހުން މިއަދު "އަވައްޓެރިންގެ ނާސްތާ" ނަމުގައި ހެނދުނުގެ ސައެއް ބާއްވައިފިއެވެ.
ފުލުހުން ބުނީ މި ހަރަކާތަކީ ފުލުހުންނާއި ރައްޔިތުންގެ މެދުގައި އޮންނަ ގުޅުން އިތުރަށް ހަރުދަނާކޮށް، ހިޔާ ސަރަހައްދު އަމާން އަދި ރައްކާތެރި މާޙައުލަކަށް ހެދުމަށްޓަކައި ފުލުހުން ކުރަމުންދާ މަސައްކަތްތަކުގެ ތެރެއިން، ދެމެހެއްޓެނިވި ގޮތެއްގައި ކުރިއަށް ގެންދިއުމަށް ރޭވިފައިވާ ހަރަކާތްތަކުގެ ބައެއް ކަމަށެވެ.
ހިޔާ ފްލެޓުތަކުގައި އުޅޭ މީހުންނާ އެކު ފުލުހުން ބޭއްވި ކެއުމުގެ ތެރެއިން -- ފޮޓޯ/ ޕޮލިސް
މިފަދަ ކޮންމެ ހަރަކާތަކަށް ރައްޔިތުންގެ ފަރާތުން ލިބެމުންދާ ފުރިހަމަ އެއްބާރުލުމާއި އެހީތެރިކަމަށް ޓަކައި ފުލުހުން ވަނީ ޚާއްސަ ޝުކުރެއް އަދާކޮށްފައެވެ. މި ފަދަ މަސައްކަތްތަކަކީ މުޖުތަމައުގެ ރައްކާތެރިކަމާއި ހަމަޖެހުމަށް މަގުފަހިކޮށްދޭނެ މުހިންމު ހަރަކާތްތަކެއް ކަމަށް ފުލުހުން ބުނެފައިވެއެވެ.
ހިޔާ ފްލެޓުތަކުގައި އުޅޭ މީހުންނާ އެކު ފުލުހުން ބޭއްވި ކެއުމުގެ ތެރެއިން -- ފޮޓޯ/ ޕޮލިސް
ހިޔާ ފްލެޓުތަކުގައި ބޮޑެތި ކުށް ކުރުން މި ފަހުން ވަނީ ވަރަށް ބޮޑަށް ސަމާލު ކަމަށް އައިސްފައެވެ. އެ ގޮތުން މީހުން ރަހީނު ކުރުމާއި މަސްތުވާތަކެތީގެ މައްސަލަތައް އެ ސަރަހައްދުން ވަނީ ފެންމަތިވެފައެވެ.