ހުޅުމާލޭ ދެވަނަ ފިޔަވަހީގައި މިރޭ މާރާމާރީއެއް ހިންގައިފިއެވެ.
ފުލުހުން ބުނީ މިރޭ ހުޅުމާލޭ ދެވަނަ ފިޔަވަހީގައި ބަޔަކު މާރާމާރީއެއް ހިންގި މައްސަލައެއް ފުލުހުންނަށް ރިޕޯޓު ކޮށްފައިވާ ކަމަށެވެ.
މި ކަމާ ގުޅޭ އިތުރު މައުލޫމާތެއް ފުލުހުން ހިއްސާކޮށްފައެއް ނުވެއެވެ.
ފުލުހުން ބުނީ މި މައްސަލަ ތަހުގީގު ކުރަމުންދާ ކަމަށެވެ.
އާޓިފިޝަލް ބީޗުގައި ރޭ މާރާމާރީ ހިންގި މައްސަލައެއްގައި ފުލުހުންގެ ބެލުމުގެ ދަށަށް ތިން ބިދޭސީއަކު ވެސް ވަނީ ގެންގޮސްފައެވެ. އެ މީހުން އިމިގްރޭޝަނާ ހަވާލުކޮށް، ޑީޕޯޓުކުރުމުގެ މަސައްކަތް ވަނީ ފަށައިފައެވެ.
މި އަހަރުގެ މިހާތަނަށް މާރާމާރީގެ ހަތް މައްސަލައެއް ފުލުހުންނަށް ވަނީ ރިޕޯޓު ކޮށްފައެވެ.