މާފަންނުގައި ހުރި ކެފޭއެއްގައި މާރާމާރީއެއް ހިންގައި، މީހަކު ޒަޚަމްކޮށްލައިފިއެވެ.
މި ކަމާ ގުޅިގެން ފުލުހުން ބުނީ މާރާމާރީ ހިންގީ މާފަންނު ޝަހީދުއަލީ ގޯޅީގައި ހުރި ކެފޭއެއްގައި ކަމަށެވެ. މާރާމާރީ ހިންގައިގެން އެ މައްސަލަ މިރޭ ފުލުހުންނަށް ރިޕޯޓުކޮށް މިހާރު ބަލަމުން އަންނަކަމަށް ވެސް ބުންޏެވެ.
މި މާރާމާރީގައި އަނިޔާވީ 44 އަހަރުގެ ދިވެހި ފިރިހެނެކެވެ.
އެ މީހާއަށް ފަރުވާދިނުމަށް އައިޖީއެމްއެޗަށް ގެންގޮސްފައިވާ ކަމަށް ފުލުހުން ބުންޏެވެ.
މި މައްސަލައިގައި އަދި މީހަކު ހައްޔަރު ނުކުރާ ކަމަށް ވެސް ފުލުހުން ބުންޏެވެ.
މި ފަހުން ގޭންގު މާރާމާރީގެ ބައެއް މައްސަލަތައް މާލޭގައި ވަނީ ފެންމަތިވެފައެވެ.