ދިރާގުގެ ކަސްޓަމަރުން އަލަށް ނަގާ ކޮންމެ 5ޖީ ޓާބޯ 749 އަދި އެއަށްވުރެ މަތީ ޕްލޭންތަކާއެކު ހިލޭ 5ޖީ ރައުޓަރެއް ލިބޭ ގޮތަށް ތައާރަފުކޮށްފައިވާ ޕްރޮމޯޝަންގެ މުއްދަތު އިތުރުކޮށްފިއެވެ.
ދިރާގުން ބުނީ އެ ޕްރޮމޯޝަން މިހާރު، މިއަހަރުގެ ޑިސެމްބަރު 31ގެ ނިޔަލަށް ކުރިއަށްދާނެ ކަމަށެވެ.
ދިރާގުގެ މެނޭޖަ އެކުއިޒިޝަންސް އެންޑް ސީއެލްއެމް ޖަނާ އިބްރާހީމް ވިދާޅުވީ އެ ކުންފުނިން އަބަދުވެސް މަސައްކަތް ކުރަނީ ކަސްޓަމަރުންނަށް ތަފާތު، ހިތްގައިމު އައު އޮފާތަކެއް ގެނެސްދީ، ފަސޭހަކަމާއެކު އެ ފަރާތްތައް ގުޅުވައި ދިނުމަށް ކަމަށެވެ.
"އެގޮތުން ދިރާގު 5ޖީ ޓާބޯ ވައިފައިއާ އެކު ކަސްޓަމަރުންނަށް ތަފާތު އަގުތަކާއި ޑޭޓާ އެލޮވެންސްތަކުގެ ޕޯސްޓްޕެއިޑް އަދި ޕްރީޕެއިޑް ޕްލޭންތައް ޚިޔާރުކުރެވޭނެ. އަދި މިއާއެކު އެ ފަރާތްތަކުގެ ހުރިހާ ސްޓްރީމިން، ބްރައުސިން އަދި ގޭމިން ބޭނުންތަކަށް 500 އެމްބީޕީއެސްއާ ހަމައަށް އިންޓަނެޓް ސްޕީޑް ތަޖުރިބާކޮށްލެވޭނެ،" އޭނާ ވިދާޅުވިއެވެ.
ދިރާގު 5ޖީ ޓާބޯ ވައިފައި ޕްލޭންތަކާއެކު ކަސްޓަމަރުންނަށް އިތުބާރު ކުރެވޭ، 5ޖީ ސްޕީޑުގެ ހަލުވި އިންޓަނެޓް ކޮންމެ ތަނަކުން ވެސް ލިބޭނެ ކަމަށް އެ ކުންފުނިން ބުނެއެވެ. އަދި 5ޖީ ޓާބޯ ޕޯސްޓްޕެއިޑް ޕްލޭންތައް ނަގާ ކަސްޓަމަރުންނަށް ޑޭޓާ ރޯލްއޯވާއާއެކު ބޭނުން ނުކުރާ ޑޭޓާ އެއް މަސް ދުވަހަށް ކުރިއަށް ގެންދެވޭނެކަން ދިރާގުން ފާހަގަކުރެއެވެ.
މީގެ އިތުރުން މި ޕްލޭންތަކާއެކު ޚާއްސަ 5ޖީ ބޫސްޓާތައް ވެސް ކަސްޓަމަރުންނަށް ނެގޭނެ ކަމަށް ދިރާގުން ބުނެއެވެ.
އެ އޮފާތަކާއި ދިރާގު 5ޖީ ޓާބޯ ވައިފައިއާ ގުޅޭ އިތުރު މައުލޫމާތު ކުންފުނީގެ ވެބްސައިޓުން ލިބެން ހުންނާނެއެވެ.