ރިޓޯ ސޮލިއުޝަންސް ރީބްރޭންޑުކޮށް އާ ލޯގޯއާއި ވޯޓަ ޕިއުރިފަޔާއެއް އިފުތިތާހުކޮށްފި

ރިޓޯ ސޮލިއުޝަންސް ރީބްރޭންޑުކޮށް އާ ލޯގޯއާއި ވޯޓަ ޕިއުރިފަޔާއެއް އިފުތިތާހުކޮށްފިއެވެ.

ރިޓޯ ސޮލިއުޝަންސް ރީބްރޭންޑުކޮށް އާ ލޯގޯއާއެކު އިފްތިތާހުކޮށްދެއްވީ، ރިޓޯ ސޮއިލުޝަންސްގެ އެގްޒެކެޓިވް ޑިރެކްޓަރު ސަމާއަތު އަހްމަދެވެ.

އޯކްވުޑް ކެފޭގެ ލައުންޖްގައި ބޭއްވި ހަފުލާއެއްގައިއަލަށް މި ތައާރަފުކުރި S1 މޮޑަލްގެ ރިވޯސް އޮސްމޯސިސް ފެން ޕިއުރިފަޔާ ތައާރަފު ކޮށްދެއްވީ ރައްޔިތުން މަޖިލީހުގެ މާފަންނު ދެކުނު ދާއިރާގެ މެންބަރު އަބްދުﷲ ރިފާއުއެވެ.

އެ ހަފުލާގައި ވާހަކަ ދައްކަވަމުން ރިޓޯ ސޮލިއުޝަންސްގެ އޮޕަރޭޝަންސް ޑިރެކްޓަރު އަލީ ރިފާޢު ވިދާޅުވީ، ރިޓޯ ސޮލިއުޝަންސްގައި ގެންގުޅެނީ ފަސް ސްޓޭޖުގެ ފިލްޓްރޭޝަން ހިމެނޭ ޕިއުރިފަޔާ ކަމަށެވެ. އަދި އަލަށް މި ތައާރަފު ކުރި ސިސްޓަމަކީ އެންމެ ފަހުގެ ކޮމްޕޮސިޓް ފިލްޓަރު ހިމެނޭ ސިސްޓަމްއެއް ކަމަށެވެ. އާ ޝިޕްމަންޓު މިއަދު ވިއްކަން ފަށަން ނިންމާފައިވާ ކަމަށާއި، ރިޓޯ ސޮލިއުޝަންސްގެ ވޯޓާ ޕިއުރިފަޔާގެ ޚިދުމަތް މާލޭގެ 3000 އަށްވުރެ ގިނަ ގޭބީސީއަށާއި އަތޮޅުތެރޭގައި 2000 އަށްވުރެ ގިނަ ގޭބިސީއަށް މިހާރުވެސް ދެމުން އަންނަ ކަމަށް އޭނާ ވިދާޅުވިއެވެ.

ރިޓޯ ސޮލިއުޝަންސް ރީބްރޭންޑުކޮށް އާ ލޯގޯއާއި ވޯޓަ ޕިއުރިފަޔާއެއް އިފުތިތާހު ކުރުން --

ރިފާއު ވިދާޅުވީ، އެމީހުންގެ ބޭނުމަކީ ކަސްޓަމަރަކަށް ހަމައެކަނި އެ މެޝިން ވިއްކާލުން ނޫން ކަމަށާއި، ރައްކާތެރި މީރު ބޯފެން ފޯރުކޮށްދޭ ޚިދުމަތެއްގެ ގޮތުގައި ކުރިޔަށް ދިޔުންކަމަށެވެ. އެގޮތުން ރިޓޯގެ މެޝިނަކަށް މައްސަލައެއް ދިމާވެގެން އެކަން ރިޕޯޓް ކުރާތާ ހަތަރު ގަޑިއިރުތެރޭ ހައްލުކޮށްދިނުމަކީ ރިޓޯއިން ކަސްޓަމަރުންގެ އިތުބާރު ހިފެހެއްޓުމުގެ އެންމެ މުހިންމު އެއް ކަންތައްކަމުގައި ފާހަގަކުރެއްވިއެވެ. އަދި ރިޓޯގެ މެޝިންތަކަކީ ދެ އަހަރު ދުވަހުގެ ވޮރަންޓީ ލިބޭ މެޝިންކަންވެސް ފާހަގަ ކުރެއްވިއެވެ.

އާ މެޝިނުގައި ހުންނާނީ ކޮންމެ ހަ މަހަކުން ބަދަލުކުރަންޖެހޭ ފިލްޓަރަކާއި، ކޮންމެ ދެ އަހަރަކުން ބަދަލުކުރަންޖެހޭ ފިލްޓަރެކެވެ. ކުރީގެ މެޝިނުން ގަޑިއަކު 12 ލީޓަރުގެ ފެން އުފެއްދި ނަމަވެސް އާ މެޝިނާއެކު ގަޑިއަކު 60 ލީޓަރުގެ ފެން އުފައްދާނެއެވެ.

ރިޓޯ ސޮއިލުޝަންގެ ޚިދުމަތް މާލޭގެ އިތުރުން ރާއްޖޭގެ އެކި ރަށްތަކުގައިވެސް މިހާރު ދަނީ ދެމުންނެވެ. އެގޮތުން ސިޓީތައް ހިމެނޭހެން ޖުމްލަ 18 އަތޮޅެއްގައި ރިޓޯގެ ޕާޓްނަރުން އުޅޭނެއެވެ. މާލެއާ އެއްގޮތަށް ރަށްރަށުގައިވެސް އެ މެޝިންގެ ފިލްޓާ އަދި ސްޕެއާޕާޓްސް ލިބެން ހުންނާނެއެވެ.
ރިޓޯ ސޮއިލުޝަންސްއަކީ ގޭގޭގައި ބޯފެން ޕިއުރިފައިކުރުމަށް ބޭނުންކުރާ ކުޑަކުޑަ މެޝިނެއް ވިއްކުމާއި އެ މެޝިންތަކުގައި ގަވާއިދުން ބަދަލުކުރަންޖެހޭ ފިލްޓަރުތައް ބަދަލުކުރުން އަދި މެޝިނަށް ދިމާވާ އެންމެހާ މައްސަލަތައް އިތުބާރާއި ޔަގީންކަމާއިއެކީ ހައްލުކޮށްދިނުމުގެ ޚިދުމަތް ދެމުންދާ ވިޔަފާރިއެކެވެ. މި މެޝިން ވޯޓާ ސަޕްލައި ފެނަށް ގުޅާލައިގެން ބޭނުންކުރެވޭނެއެވެ.

މި ޚިދުމަތަކީ 2018 ވަނަ އަހަރު ތައާރަފުކޮށްފައިވާ ޚިދުމަތެކެވެ. މި ޚިދުމަތް ދޭތާ ހަ އަހަރު ވެފައިވާއިރު، މި ޚިދުމަތް ވަރަށް ގިނަ ފަރާތްތަކުން ދަނީ ބޭނުންކުރަމުންނެވެ. ރިޓޯ ސޮލިއުޝަންސްގެ އެއްވެސް ޚިދުމަތެއް ހޯދަން ބޭނުންނަމަ ހޮޓްލައިން ނަންބަރު 4004664 އަށް ގުޅައިގެން ނުވަތަ ވައިބާ/ވަޓްސްއަޕް 9973829 އަށް މެސެޖެއް ކުރުމުން ލިބޭނެއެވެ.