މާދަމާ ހެނދުނު 06:00 އާއި 07:00 އާ ދޭތެރޭގައި މާލެއާއި ހުޅުމާލޭގެ ބައެއް ސަރަހައްދުތަކުން ކަރަންޓު ކެނޑިދާނެ ކަމަށް ސްޓެލްކޯއިން ބުނެފިއެވެ.
އެ ކުންފުނިން ބުނެފައިވަނީ ގްރޭޓާ މާލެ އިންޓަކަނެކްޝަން ގްރިޑް ނެޓްވޯކުގައި ކޮންމެހެން ކުރަންޖެހޭ މުހިންމު މަސައްކަތެއް އެ ގަޑީގައި ކުރުމަށް ނިންމާފައިވާ ކަމަށެވެ.
އެހެން ކަމުން އެ ވަގުތުގައި މާލެއާއި ހުޅުމާލޭގެ ބައެއް ސަރަހައްދުތަކުން ކެނޑިދާނެތީ، ސްޓެލްކޯއިން ވަނީ ރައްޔިތުންނަށް ދިމާވެދާނެ ދަތިތަކަށް މައާފަށް އެދިފައެވެ.
ސްޓެލްކޯގެ ބައެއް މަސައްކަތްތައް ކުރާއިރު، ކަރަންޓު ކެނޑޭނެ ކަމަށް ބުނެ، އެ ކުންފުނިން ކުރީބައިގައި އެ ކަން އަންގައެވެ.
އާންމުކޮށް ކަރަންޓު ކަނޑަނީ މަރާމާތަށާއި ވިއުގަ އަޕްގްރޭޑްކުރުމަށެވެ.