އެޕަލްގެ އެއާޕޮޑްސްގެ ބައެއް މޮޑެލްތަކަށް އައު ފަރުމްވެއާ އަޕްޑޭޓެއް ނެރެފިއެވެ.
އެޕަލް ކުންފުނިން މި އަޕްޑޭޓް ނެރެފައިވަނީ އެއާޕޮޑްސް ޕްރޯ 1، އެއާޕޮޑްސް 2، އެއާޕޮޑްސް މެކްސް (ލައިޓްނިންގް)، އަދި އެއާޕޮޑްސް 3އަށެވެ.
މި އަޕްޑޭޓް އިންސްޓޯލްކޮށްލުމުން އޭގެ ކުރީގެ 6އޭ326 ވާޝަން 6އެފ21ް އަށް ބަދަލުވާނެއެވެ. ނަމަވެސް މި އަޕްޑޭޓްގައި ހިމެނޭ އައު ބަދަލުތަކަކީ ކޮބައިކަން އެޕަލްއިން އަދި ހާމަކޮށްފައެއް ނުވެއެވެ. އެހެންނަމަވެސް މި އަޕްޑޭޓް އަމާޒުކުރެވިފައިވަނީ ބަގް ފިކްސްތަކާއި އެހެނިހެން އިސްލާހުތަކަށް ކަމަށް ބެލެވެއެވެ.
އެއާޕޮޑްސްގެ ފާމްވެއާ ވާޝަން ޗެކްކުރުމަށް، އައިފޯނުގެ ސެޓިންގްސް އެޕް ހުޅުވުމަށްފަހު، ބްލޫޓޫތު މެނޫއަށް ގޮސް، އެއާޕޮޑްސް ފެންނަ ތަނުގައިވާ "އައި" އައިކަނަށް ފިއްތުމުން "ފާމްވެއާ ވާޝަން" ނަންބަރު ފެންނާނެއެވެ.
އެޕަލްގެ އެއާޕޮޑްސްގެ އެންމެ ފަހުގެ މޮޑެލްތަކުގެ ތެރެއިން ބައެއް މޮޑެލްތައް ކަމަށްވާ އެއާޕޮޑްސް ޕްރޯ 2 (ލައިޓްނިންގް އަދި ޔޫއެސްބީ ސީ)، އެއާޕޮޑްސް 4، އަދި އެއާޕޮޑްސް މެކްސް (ޔޫއެސްބީ ސީ) މި އަޕްޑޭޓްގައި ނުހިމެނެއެވެ.
އެޕަލްގެ އެއާޕޮޑްސް ސީރީޒްގެ އެކި މޮޑެލްތަކުގެ މިހާރުގެ ފާމްވެއާ ވާޝަންތަކަށް ބަލާއިރު، މީގެ ތެރެއިން އެންމެ ފަހުގެ ވާޝަން ބޭނުންކުރަމުންދަނީ އެއާޕޮޑްސް ޕްރޯ 2ގައެވެ. އެ މޮޑެލްގައި ބޭނުންކުރަނީ 7އޭ305 ވާޝަނެވެ. ހަމައެހެންމެ އެއާޕޮޑްސް 4 މޮޑެލްތަކުގައި ވެސް 7އޭ304 ވާޝަން ބޭނުންކުރަމުން ދާއިރު، އެއާޕޮޑްސް މެކްސްގެ ޔޫއެސްބީ ސީ މޮޑެލްގައި ބޭނުންކުރަނީ 7އޭ291 ފާމްވެއާއެވެ. އެންމެ ގިނަ މޮޑެލްތަކެއްގައި މިހާރު ބޭނުންކުރަމުންދާނީ 6އެފ21ް ވާޝަނެވެ.
ފާހަގަކޮށްލެވޭ ގޮތުގައި އެއާޕޮޑްސްގެ ފުރަތަމަ ޖީލުގައި އަދިވެސް ބޭނުންކުރަމުންދަނީ 6.8.8 ވާޝަނެވެ. މިއީ އެންމެ ދުވަސްވީ ވާޝަންކަމުގައި ވިޔަސް، އޭގެ ފަހުން ނެރެފައިވާ އެއްވެސް އަޕްޑޭޓަކަށް މި މޮޑެލް އަޕްޑޭޓެއް ނުކުރެވެއެވެ.
އެއާޕޮޑްސްގެ ފާމްވެއާ އަޕްޑޭޓްތައް އޮޓޮމެޓިކުން އަޕްޑޭޓްވާ ގޮތަށް ހުންނައިރު، މި އަޕްޑޭޓްތައް އައުމުން އިތުރު ފީޗާތަކާއި، ބަގް ފިކްސްތައް ލިބި، އޯޑިއޯގެ ފެންވަރު ރަނގަޅުވެ، ބެޓެރީގެ ޕަފޯމަންސް އިތުރުވެގެންދެއެވެ. އެހެންކަމުން، މި އައު އަޕްޑޭޓް ލިބުމުން، ބޭނުންކުރާ އެއާޕޮޑްސްގެ ތަޖުރިބާ އިތުރަށް ފުރިހަމަވާނެ ކަމަށް ބެލެވެއެވެ.