މިދިޔަ އަހަރާ އަޅާބަލާއިރު، މިފްކޯއަށް މަސް ކިރާފައިވާ މިންވަރު ތިން ގުނައަށް ދަށްވެފައިވާ ކަމަށް ތަފާސްހިސާބުތަކުން ދައްކައިފިއެވެ.
އެ ހިސާބުތަކުން ދައްކާގޮތުން، މިދިޔަ އަހަރު ވަނީ 72،686 މެޓްރިކް ޓަނުގެ މަސް ކިރާފައެވެ. މިއަހަރުގެ މިހާތަނަށް މިފްކޯއަށް ކިރާފައި ވަނީ 28،951 މެޓްރިކް ޓަނުގެ މަހެވެ. އެއީ، މިދިޔަ އަހަރާ ބަލާއިރު، 43،735 މެޓްރިކް ޓަނުގެ ތަފާތެކެވެ.
އެގޮތުން، މިދިޔަ އަހަރުގެ ޖެނުއަރީ މަހުގައި 7،528 މެޓްރިކް ޓަނުގެ މަސް ކިރާފައިވާއިރު، މި އަހަރުގެ ޖެނުއަރީ މަހު ކިރާފައި ވަނީ 7،452 މެޓްރިކް ޓަނު މަހެވެ.
މި އަހަރުގެ ފެބްރުއަރީ މަހު 5،860 މެޓްރިކް ޓަނު، 9،035 މެޓްރިކް ޓަނުގެ މަސް މިދިޔަ އަހަރު ކިރާފައިވެއެވެ.
މަސްމާރުކޭޓު ސަރަހައްދުގައި ދޯނިން މަސް ބޭލުމުގައި: މިއަހަރު މިފްކޯއިން މަސް ކިރި އަދަދު ތިން ގުނަ ދަށްވެއްޖެ -- ސަން ފޮޓޯ/ ފަޔާޒު މޫސާ
މި އަހަރާއި މިދިޔަ އަހަރުގެ އިތުރު މަސްތަކުގައި ކިރާފައިވާ މަސްތަކުގެ ހިސާބުތައް:
- މިދިޔަ އަހަރުގެ މާޗުގައި، 6،715 މެޓްރިކް ޓަނު، މި އަހަރު 4،611 މެޓްރިކް ޓަނު
- މިދިޔަ އަހަރުގެ އޭޕްރީލް މަހުގައި 7،054 މެޓްރިކް ޓަނު، މި އަހަރު 2،322 މެޓްރިކް ޓަނު
- މިދިޔަ އަހަރު މެއި މަހު 8،535 މެޓްރިކް ޓަނު، މި އަހަރު 3،666 މެޓްރިކް ޓަނު
- މިދިޔަ އަހަރު ޖޫންގައި 1،794 މެޓްރިކް ޓަނު، މި އަހަރު 1،272 މެޓްރިކް ޓަނު
- މިދިޔަ އަހަރު ޖުލައި މަހުގައި 1،831 މެޓްރިކް ޓަނު، މި އަހަރު 247 މެޓްރިކް ޓަނު
- މިދިޔަ އަހަރުގެ އޮގަސްޓުގައި 3،204 މެޓްރިކް ޓަނު، މި އަހަރު 1،157 މެޓްރިކް ޓަނު
- މިދިޔަ އަހަރުގެ ސެޕްޓެމްބަރު މަހު 3،124 މެޓްރިކް ޓަނު، މި އަހަރު 1،529 މެޓްރިކް ޓަނު
- މިދިޔަ އަހަރުގެ އޮކްޓޫބަރުގައި 8،660 މެޓްރިކް ޓަނު، މި އަހަރު 836 މެޓްރިކް ޓަނު
މަސްމާރުކޭޓު ސަރަހައްދުގައި ދޯނިން މަސް ބޭލުމުގައި: މިއަހަރު މިފްކޯއިން މަސް ކިރި އަދަދު ތިން ގުނަ ދަށްވެއްޖެ -- ސަން ފޮޓޯ/ ފަޔާޒު މޫސާ
މިފްކޯއިން އެންމެ ފަހުން އާންމުކޮށްފައިވާ ހިސާބުތަކުން ދައްކާގޮތުން، އެކުންފުނިން މަސް ކިރުމަށް ފަހު އޮޑިވެރިންނަށް ދައްކަން ޖެހޭ 9.1 މިލިއަން ރުފިޔާ އެބައޮތެވެ. އެއީ 331 ދޯންޏަކަށް ދޭންޖެހޭ ފައިސާގެ އަދަދެވެ.
އެހެންވެ، އެ ފައިސާ ވީއެންމެ އަވަހަށް ހޯދައިގެން މިހަފްތާގައި އެ ފައިސާ ދިނުމަށް މަސައްކަތް ކުރަމުން އަންނަ ކަމަށް މިފްކޯއިން ބުނެފައިވެއެވެ. އެގޮތުން، އަމާޒަކީ މި ހަފްތާގައި އޮޑިވެރިންނަށް ފައިސާ ޖަމާކުރުން ކަން މިފްކޯއިން ވަނީ ބުނެފައެވެ.
އެ ފައިސާ ނުދެއްކިގެން އުޅެނީ މި ދުވަސްވަރަކީ މަސްވެރިކަން ދަށް ދުވަސްވަރެއް ކަމަށްވުމާއެކު ކުންފުނީގެ މާލީ ހާލަތު ވެސް ދަށްކޮށް އޮތުމުން ކަމަށް ބުނެފައިވެއެވެ.