ބޮލީވުޑްގެ ފިލްމީ ތަރިން ކަމަށްވާ އަކްޝޭ ކުމާރު، އާރް މާދަވަން އަދި ބަތަލާ އަނަނިޔާ ޕާންޑޭ އެކީގައި ކުޅޭ ފިލްމު ރިލީޒްކުރާ ތާރީޚު އިއުލާނުކޮށްފިއެވެ.
އިނގިރޭސީންގެ ރަސްކަމާ ދެކޮޅަށް ވަކާލާތުކުރި ސީ ސަންކަރަން ނައިރްގެ ހަޔާތުގެ މައްޗަށް ބިނާކޮށް ގެނެސްދޭ މި ބަޔޮޕިކް އަކީ ދަރުމާ ޕްރޮޑަކްޝަންއިން ގެނެސްދޭ ފިލްމެކެވެ. ކަރަން ސިންގް ތިޔާގީ ޑައިރެކްޓް ކުރާ މި ފިލްމަށް ކިޔާނެ ވަކި ނަމެއް ހަމަޖެހިފައި ނުވާއިރު ފިލްމު ބެލުންތެރިންނާ ހަމައަށް ގެނެސްދޭން ނިންމާފައި ވަނީ އަންނަ އަހަރުގެ މާޗް މަހުގެ 14ވަނަ ދުވަހުއެވެ.
ދަރުމާ ޕްރޮޑަކްޝަންސްއިން ފިލްމާ ބެހޭ ކުރު ތައާރަފެއް ދައްކުވައިދޭ ޕޯސްޓަރެއް އާއްމު ކުރަމުން ބުނެފައި ވަނީ މިއީ ހަގީގީ ދިރިއުޅުމުގައި ހިނގާފައިވާ ހާދިސާތަކެއްގެ މައްޗަށް ބިނާކޮށް އުފައްދާ ފިލްމެއް ކަމަށެވެ.
އަކްޝޭ ކުމާރު ބަތަލާ ވާނީ ކަޕޫރާ އެކު ފިލްމު "ކޭލް ކޭލް މޭ"ގެ މަންޒަރެއްގައި--ފޮޓޯ/ޓެލެގްރާފްއިންޑިއާ
އިންޑިއާގެ ދެ ލިޔުންތެރިން ކަމަށްވާ ރަގޫ ޕަލަތު އަދި ޕުޝްޕާ ޕަލަތު ލިޔެފައިވާ 'ދަ ކޭސް ދެޓް ޝުކް ދަ އެމްޕަޔަ' ވާހަކައިގެ މައްޗަށް ބިނާކޮށް އުފައްދާ މި ފިލްމުގައި އަކްޝޭ ކުޅެން ހަމަޖެހިފައި ވަނީ ސީ ސަންކަރަންގެ ރޯލް ކަމަށް ރިޕޯޓުތައް ބުނެއެވެ.
ނަމަވެސް ބަތަލާ އަނަނިޔާ އަދި އާރް މާދަވަން ކުޅޭ ރޯލާ ބެހޭ މައުލޫމާތު ހާމަކޮށްފައެއް ނުވެއެވެ. އަކްޝޭ އެންމެ ފަހުން ބެލުންތެރިންނަށް ފެނިފައި ވަނީ މިދިޔަ އޮގަސްޓް މަހު ރިލީޒްވި ކޮމެޑީ ފިލްމު "ކޭލް ކޭލް މޭ"އިންނެވެ. މިއީ އަކްޝޭއާ އެކު ބަތަލާ އަނަނިޔާ ސްކްރީނުން ފެންނާނެ ފުރަތަމަ ފިލްމެވެ.