ރާއްޖޭގެ އިގުތިސާދީ ދާއިރާގެ ޚަބަރުތަކާއި ދިރާސީ ވާހަކަތައް ގެނެސްދޭ އޮންލައިން ޖާނަލްއެއް، "މޯލްޑިވްސް އިކޮނޮމީ ޓުޑޭ"ގެ ނަމުގައި އިފުތިތާހުކޮށްފިއެވެ.
އިގުތިސާދު ދިރާސާކުރައްވާ އިބްރާހީމް އާތިފް ޝަކޫރުގެ އެޑިޓަރު ކަމުގެ ދަށުން ހިންގާ އެ ޖާނަލްއަކީ، ކުރީގެ އިކޮނޮމިކް މިނިސްޓްރު އަހުމަދު މުހައްމަދުގެ އިތުރުން ވެސް ރާއްޖޭގެ އިގުތިސާދީ ދާއިރާއިން ފާހަގަކޮށްލެވޭ ބޭބޭފުޅުން ހިމެނޭގޮތަށް ކުރިއަށް ގެންދާ ޖާނަލްއެކެވެ.
މޯލްޑިވްސް އިކޮނޮމީ ޓުޑޭއަކީ ރާއްޖޭގެ އިގުތިސާދާ ގުޅޭ މުހިންމު ލިޔުންތައް އިނގިރޭސި ބަހުން ކިޔާން ލިބޭނެ ޖާނަލްއެކެވެ.
"މޯލްޑިވްސް އިކޮނޮމީ ޓުޑޭ" އިން މިވަގުތު ކިޔާލެވެން ހުރި މުހިންމު އާޓިކަލްތައް --
"ސަން"އާ ވާހަކަދައްކަވަމުން އާތިފް ވިދާޅުވީ އެ ޖާނަލް އިނގިރޭސި ބަހުން ގެނައުމުގެ އެންމެ ބޮޑު ބޭނުމަކީ ރާއްޖޭގެ އިގުތިސާދީ ހާލަތު ދިރާސާކުރާ ރާއްޖެ އަދި ރާއްޖެއިން ބޭރުގެ ފަރާތްތަކަށް ވެސް މައުލޫމާތު ފޯރުކޮށްދިނުން ކަމަށެވެ.
އިގުތިސާދީ ދާއިރާގެ ޚަބަރުތަކާއި ދިރާސީ ވާހަކަތައް ނެރޭ ޖާނަލްއެއް، ރާއްޖޭގައި އެވަގުތެއްގެ އިގުތިސާދީ ހާލަތަކާ ގުޅުވައި ލިޔުންތައް ކިޔާލެވޭނެ، އިބްރާހީމް އާތިފް ޝަކޫރު
މި ޖާނަލްގައި އިގްތިސޯދީ ދާއިރާއިން ފާހަގަކޮށްލެވޭ ބޭބޭފުޅުން ލިޔުއްވާނެއެވެ. އެގޮތުން އާތިފްގެ އިތުރުން ކުރީގެ އެމްއެމްއޭގެ ގަވަރުނަރު އަލީ ހާޝިމްއާއި، ކުރީގެ ފިނޭންސް މިނިސްޓްރީގެ ޗީފް ފައިނޭންޝަލް ބަޖެޓް އެގްޒެކެޓިވް، ސަރުވަޝް އާދަމް ވެސް ލިޔުއްވާނެއެވެ.
މީގެ ކުރިން "މޯލްޑިވްސް އިކޮނޮމިކް ރިވިއު"ގެ ނަމުގައި ނޫހެއް ކުރިއަށް ގެންދިޔައެވެ. ނަމަވެސް ގިނަ ދުވަސްތަކެއް ވަންދެން އެ ނޫސް ހުއްޓާލާފައި އޮތުމަށް ފަހު އަލުން އިގުތިސާދީ ދާއިރާއަށް ޚާއްސަ ޖާނަލްއެއް މިވަނީ ފަށައިފައެވެ.