މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ)އިން ވަގުތީގޮތުން ވިއްކުމާއި ބޭނުންކުރުން މަނާކޮށްފައިވާ ކޮފްސީ ސިރަޕުގައި މައްސަލައެއް ނެތް ކަމަށް އެ އޮތޯރިޓީން ބުނެފިއެވެ.
އެމްއެފްޑީއޭއިން ނެރުނު އިއުލާނެއްގައި ވަނި، މާކެޓުގައި ލިބެންހުރި ކެއްސާތީ ބޯ މި ބޭހުގެ ބެޗުތަކުގެ ސާމްޕަލް ނަގައި އިތުރަށް ބަލަންޖެހޭ ބެލުންތައް ބެލުމުން، މި ބޭހުގައި މައްސަލައެއް ނެތްކަން ފާހަގަވެފައި ވާކަމަށެވެ.
އެހެންކަމުން މިއަދުން ފެށިގެން މި ބޭސް އިމްޕޯޓުކުރުމާއި، ވިއްކުން އަދި ބޭނުންކުރުމަށް ހުއްދަ ދީފައި ވާކަމަށް އެ އޮތޯރިޓީން ވަނީ ބުނެފައެވެ.
އެމްއެފްޑީއޭއިން ކުރިން ބުނީ، މި ބޭހުގައި ކުނޑިކޮޅުތަކެއް ހުރިކަމަށް ފާހަގަވެފައި ވާކަމަށެވެ.