ބެލްޓް އެންޑް ރޯޑް ޓެކްސް އިނިޝިއޭޓިވް ޓެކްސް އެޑްމިނިސްޓްރޭޝަން ކޯޕަރޭޝަން މެކޭނިޒަމް (ބްރިޓަކޮމް)ގެ ފަހުމުނާމާގައި މީރާއިން ސޮއިކޮށް، ބްރިޓަކޮމްގެ މެންބަރަކަށް މީރާއިން ވެއްޖެއެވެ.
މިދިޔަ އަންގާރަ ދުވަހު ފަހުމުނާގައި ސޮއިކުރުމަށް ހޮންކޮންގައި ބޭއްވި ބެލްޓް އެންޑް ރޯޑް އިނިޝިއޭޓިވް ޓެކްސް ކޯޕަރޭޝަން ފޯރަމްގައި މީރާގެ ފަރާތުން ސޮއިކުރެއްވީ ކޮމިޝަނާ ޖެނެރަލް އޮފް ޓެކްސޭޝަން ހަސަން ޒަރީރެވެ.
ބްރޮޓަކޮމްއަކީ ބެލްޓް އެންޑް ރޯޑް އިނިޝިއޭޓިވް (ބީއާރްއައި) އަކީ ރީޖަންގެ ގައުމުތަކުގެ ޓަޖްސް އިދާރާތަކުގެ މެދުގައި ގުޅުން ވަރުގަދަ ކުރުމަށާއި މެންބަރު ގައުމުތަކަށް ބޭނުންވާ ފަންނީ އެހީތެރިކަން ފަހިކޮށްދިނުމަށް ޓަކައި ޓެކްސް ކޯޕަރޭޝަން މެކޭނިޒަމެއް އެކުލަވައިލުމަށް އުފައްދާފައިވާ ޖަމިއްޔާއެކެވެ.
މީރާއިން ބްރިޓަކޮމްގެ މެންބަރަކަށް ވާން ފަހުމުނާއެއްގައި ސޮއިކުރުން ---- ފޮޓޯ/ މީރާ
މީރާއިން ބުނީ، ބްރިޓަކޮމްގެ މެންބަރެއްގެ ހައިސިއްޔަތުން ތަފާތު ތަމްރީނު ޕްރޮގްރާމުތަކާއި މަޝްވަރާ ބައްދަލުވުންތަކުގައި މުވައްޒުން ބައިވެރިވުމަށް ފުރުސަތު ލިބުމާއި ޓެކުހުގެ ނިޒާމު ކުރިއަރާފައިވާ ގައުމުތަކުގެ ތަޖުރިބާ ދެނެގަނެވުމާއި މަސައްކަތްތައް އިތުރަށް ހަރުދަނާވާނެ ކަމަށެވެ.
މީގެއިތުރުން، ބްރިޓަކޮމްގައި ބައިވެރިވުމުގެ މުހިންމުކަމާ މެދު ވާހަކަދައްކަވަމުން ކޮމިޝަނާ ޒަރީރު ވަނީ، ބީއާރްއައި ސަރަހައްދުގެ ޓެކްސް އިދާރާތަކުގެ މެދުގައި އޮންނަ ގުޅުން ރަނގަޅު ކުރުމަށް ޓަކައި ބްރިޓަކޮމްއިން އަދާކުރާ ދައުރާއި ޓެކްސް އިދާރާތަކަށް ކުރިމަތިވެފައިވާ ގޮންޖެހުންތަކަށް ގުޅިގެން ހައްލު ހޯދާނެ ގޮތުގެ މައްޗަށް އަލިއަޅުވާލައްވާފައެވެ.
ހަރުދަނާ ޓެކްސް ނިޒާމުތައް ބިނާކުރުމުގައި ސަރަހައްދީ އަދި ބައިނަލްއަގުވާމީ ގުޅުން ބަދަހިކުރުމުގެ މުހިންމުކަން ޒަރީރު ވަނީ ފާހަގަކުރައްވާފައެވެ.
މީރާއިން ބުނީ، އަމާޒަކީ ބްރިޓަކޮމްގެ މެންބަރެއްގެ ގޮތުގައި، ލިބޭ ފުރުސަތުތަކުގެ ބޭނުން ހިފައި ޓެކުހުގެ އިދާރީ މަސައްކަތްތައް އެންމެ ފުރިހަމަ ގޮތުގައި ކުރިއަށް ގެންދެވޭނެ ގާބިލު މުއައްސަސާއެއްގެ ގޮތުގައި ދެމިއޮތުން ކަމަށެވެ.