ސިނަމާލެ ބުރިޖު މަތީގައި އެއާޕޯޓް ޓްރެފިކް ލައިޓު ކައިރީ ދެ ސައިކަލު ޖެހި މިއަދު އެކްސިޑެންޓެއް ހިނގައިފިއެވެ.
މީޑިއާތަކާއި ހިއްސާކުރި މެސެޖެއްގައި ފުލުހުން ބުނީ، ބުރިޖް އެއާޕޯޓް ޓްރެފިކް ލައިޓު ކައިރީ ދެ ސައިކަލު ޖެހިގެން 12:57 ހާއިރު ރިޕޯޓްކޮށްފައިވާ ކަމަށެވެ.
އެކްސިޑެންޓުވި ސައިކަލުތައް ދުއްވި މީހުންނަކީ ލައިސަންސް އޮންނަ ދެމީހުން ކަމަށާއި އެތަނުން އެއް ސައިކަލު ދުއްވި ދިވެހި އަންހެނަކަށް އަނިޔާވި ކަމަށް ފުލުހުން ބުނެފައިވެއެވެ.
އެހެންވެ، އަންހެން މީހާ ހުޅުމާލެ ހޮސްޕިޓަލަށް ގެންގޮސްފައިވާ ކަމަށް ފުލުހުން ބުނެއެވެ.
މި މައްސަލަ ފުލުހުން އަންނަނީ އިތުރަށް ތަހުގީގު ކުރަމުންނެވެ.
ސިނަމާލެ ބުރިޖުގައި މީގެ ކުރިން ނުރައްކާތެރި އެކްސިޑެންޓުތައް ހިނގައި، ބޮޑެތި އަނިޔާތައް ލިބި، މީހުންގެ ފުރާނަ ގެއްލިފައި ވެސް އެބަހުއްޓެވެ.