އިންޑިއާގެ އެންމެ ނުފޫޒުގަދަ ފިލްމީ އާއިލާ ކަމަށްވާ ސަލްމާން ޚާންގެ އާއިލާއިން އަނެއްކާ ވެސް އިތުރު މެންބަރަކު މުނިފޫހިފިލުވުމުގެ ދާއިރާއަށް ތައާރަފުކުރުމަށް ނިންމައިފިއެވެ.
ސަލްމާން ޚާން މިކަމާ ގުޅިގެން ކުރި އިންސްޓަގްރާމް ޕޯސްޓުގައި ބުނެފައިވަނީ، އެކްޓަރަށް ބޮޑު ބޭބެކިޔާ އަޔާން އަގްނީ އަގްނިހޯލްތްރީ ބެލުންތެރިންނަށް ތައާރަފުކުރަން ބޭނުންވާ ކަމަށެވެ. މި ޕޯސްޓާ އެކު ސަލްމާން ވަނީ 26 އަހަރުގެ އަގްނީގެ ޕޯސްޓަރެއް ވެސް ހިއްސާކޮށްފައެވެ.
އަގްނީ ބެލުންތެރިންނާ ބައްދަލުކުރާނީ ބޮޑު ބޭބެ ސަލްމާންގެ ފިލްމު ކުންފުނިން ޕްރޮޑިއުސްކޮށް ނެރޭ ވީޑިއޯ ލަވަ "ޔޫ އާ މައިން"އިންނެވެ. މި ވީޑިއޯ ލަވަޔަކީ ސަލްމާންގެ އަމިއްލަ އަޑުން ކިޔާ ވިޝާލް މިޝްރާ ކޮމްޕޯސް ކޮށްފައިވާ ލަވައެކެވެ. އަގްނީ މި ލަވައިން ފެންނައިރު ލަވައިގެ ރެޕިންއާ އެކު ލަވައިގައި އެކްޓަރެއްގެ ގޮތުގައި ފެންނާނީ އަގްނީއެވެ.
ސަލްމާން ޚާން އަދި އެކްޓަރަށް ބޮޑު ބޭބެ ކިޔާ އަލިޒޭއާ އެކު--ފޮޓޯ/ބޮލީވުޑްހަންގާމާ
މީގެ ކުރިން ވެސް ސަލްމާން ޚާނާ އެކު މިއުޒިކް ވީޑިއޯ ލަވައެއްގައި މަސައްކަތްކޮށްފައިވާ އަގްނީއަކީ ސަލްމާންގެ އަންހެން ކޮއްކޮ އަލްވިރާ ޚާނާއި ކުރީގެ އެކްޓަރު އަދި މިހާރު ފިލްމު ޕްރޮޑިއުސްކުރުމުގެ މަސައްކަތްކުރާ އަގްނިހޯތުރީގެ ދޮށީ ދަރިފުޅެވެ.
ސަލްމާން ވަނީ ކޮއްކޮ އަލްވިރާގެ އަންހެން ދަރިފުޅު އަލިވޭ އަގްނިހޯތުރީ ވެސް ބޮލީވުޑަށް ތަޢާރަފުކޮށްފައެވެ. އަލިޒޭ ފިލްމީ ދާއިރާއަށް ތައާރަފުވެފައިވަނީ މިދިޔަ އަހަރު ރިލީޒްކުރި ފިލްމު "ފަރޭ"އިންނެވެ. އެ ފިލްމުން އަލިޒޭއަށް ވަނީ އެ އަހަރުގެ ފިލްމުފެއާގެ އެންމެ މޮޅު އާ ބަތަލާގެ އެވޯޑު ވެސް ލިބިފައެވެ.
އަލިޒޭއަކީ ސަލްމާންގެ އަމިއްލަ ބްރޭންޑް 'ބީންގް ހިއުމަން'ގެ ކްލޯތިންގް ލައިންގެ އެމްބެސެޑަރުކަން ވެސް ކުރަމުން އަންނަ ޒުވާނެކެވެ.