ސަން ސިޔާމް މީޑިއާއިން ކުދި އަދި މެދުފަންތީގެ ވިޔަފާރިތައް ޕްރޮމޯޓުކުރުމަށް އަމާޒުކޮށްގެން ޚާއްސަ ޕްރޮމޯޝަނެއް ފަށައިފިއެވެ.
މިހާރު ފަށައިފައިވާ މި ޕްރޮމޯޝަން ކުރިއަށްދާނީ މިމަހުގެ 30ވަނަ ދުވަހުގެ ނިޔަލަށެވެ.
ސަން ސިޔާމް މީޑިއާގެ މާކެޓިން ޓީމުން މަޢުލޫމާތު ދޭގޮތުގައި، މި ޕްރޮމޯޝަންގެ މަގުސަދަކީ ކުދި އަދި މެދުފަންތީގެ ވިޔަފާރިތަކަށް އެހީތެރިވެދީ، އެ ވިޔަފާރިތައް ޕްރޮމޯޓްކުރުމެވެ.
ސަން ސިޔާމް މީޑިއާގެ ދަށުން ހިންގާ ސަން އޮންލައިނަކީ ރާއްޖޭގެ އެންމެ ގިނަ ދުވަސްވީ އޮންލައިން ނޫހެވެ. އަދި ސޯޝަލް މީޑިއާގައި އެންމެ ބޮޑު އޯޑިއެންސެއް އޮތް ވެބްސައިޓް ވެސްމެއެވެ.
މީގެ އިތުރުން، އެސްއެސްޓީވީއަކީ ކުރު މުއްދަތެއްގެ ތެރޭގައި ރާއްޖޭގެ އެކި ކަންކޮޅުތަކުގައި މަޤްބޫލުކަން ހޯދާފައިވާ ޓީވީ ޗެނަލެކެވެ.
މި ޕްރޮމޯޝަނާއެކު، ކުދި އަދި މެދުފަންތީގެ ވިޔަފާރިތައް ސަން ސިޔާމް މީޑިއާގެ މި ދެ ޕްލެޓްފޯމް މެދުވެރިކޮށް އިޝްތިހާރުކޮށް، އާންމުންނާ ހަމައަށް ފޯރުކޮށްދިނުމުގެ ފުރުޞަތު ލިބޭނެ ކަމަށް އެ ކުންފުނިން ބުނެއެވެ. މިއީ ވިޔަފާރިތަކަށް އެހީތެރިވުމަށް ސަން ސިޔާމް މީޑިއާއިން އަޅާ މުހިންމު ފިޔަވަޅެކެވެ.
މި ޕްރޮމޯޝަނާ ގުޅޭ އިތުރު މައުލޫމާތު ހޯއްދެވުމަށް ގުޅުއްވާނީ 7970076 އަށެވެ.