އޯގަނައިޒޭޝަން އޮފް އިސްލާމިކް ކޯޕަރޭޝަން (އޯއައިސީ)ގެ އެގްޒެކްޓިވް ކޮމިޓީގެ އޯޕަން އެންޑެޑް އެކްސްޓްރާ އޮޑިނަރީ ބައްދަލުވުމެއްގައި ބައިވެރިވެ ވަޑައިގަތުމަށް ފޮރިން މިނިސްޓަރު މޫސާ ޒަމީރު މިރޭ ސައުދީއަށް ފުރާޑައިގަންނަވާނެ ކަމަށް ފޮރިން މިނިސްޓްރީން މިއަދު ބުނެފިއެވެ.
އެ މިނިސްޓްރީން ބުނީ، މި ބައްދަލުވުމަކީ ފަލަސްތީނުގައި ހިންގަމުންދާ ނަސްލު ނައްތާލުމުގެ އަމަލުތަކާއި އިރާނުގައި ހަމާސް ޖަމާއަތުގެ ސިޔާސީ ގޮފީގެ ވެރިޔާ އިސްމާއިލް ހަނިއްޔާ އަވަހާރަކޮށްލުމާ ގުޅޭ ގޮތުން ފަލަސްތީނާއި އިރާނުގެ ދައުވަތަކަށް އޯއައިސީގެ އެޗްޒެކްޓިވް ކޮމިޓީން ބޭއްވުމަށް ނިންމި ބައްދަލުވުމެއް ކަމަށެވެ.
މާދަމާ ކުރިއަށްދާ މި ބައްދަލުވުމުގައި މިނިސްޓަރު ޒަމީރު ހިމެނޭހެން އޯއައިސީގެ އެޗްޒެކްޓިވް ކޮމިޓީގައި ހިމެނޭ އިތުރު ގައުމުތަކުގެ ފޮރިން މިނިސްޓަރުން ބައިވެރިވާއިރު، މި ބައްދަލުވުމުގެ މިނިސްޓަރު ޒަމީރު ތަގުރީރު ކުރައްވާނެއެވެ.
ފާހަގަކޮށްލެވޭ ގޮތުގައި، ފަލަސްތީނުގައި ހިންގަމުންދާ ގަތުލު އާންމުތަކުގައި އެތައް ބަޔަކު ޝަހީދުކޮށްލާފައިވާއިރު، އޭގެތެރޭގައި ގިނައިީ ކުޑަކުދިންނާއި އަންހެނުންނެވެ.