ހުޅުމާލެއިން 48 ބިޔަރު ދަޅާއެކު މިރޭ ބިދޭސީއަކު ހައްޔަރުކޮށްފިއެވެ.
ފުލުހުން ބުނި ގޮތުގައި އެ މީހާ ހައްޔަރުކުރީ މިރޭ 22:00ހާއިރު ހުޅުމާލެ އަމީން އެވެނިއު ކައިރިންނެވެ.
އެ މީހާގެ އަތުން ބިޔަރު ދަޅުގެ އިތުރުން ރާފުޅިއެއްވެސް ފެނުނު ކަމަށް ފުލުހުން ބުންޏެވެ.
އެއީ ބިދޭސީ ފިރިހެނެއް ކަމަށް ބުނުމުގެ އިތުރަށް، އޭނާއާ ގުޅޭ އިތުރު ތަފުސީލެއް ފުލުހުން ނުދެއެވެ.
ފުލުހުން އަންނަނީ އެ މައްސަލަ ތަހުގީގު ކުރަމުންނެވެ.
ރާއްޖޭގައި ގަވައިދާ ޚިލާފަށް އުޅޭ ބިދޭސީން ހޯދައި، ފިޔަވަޅު އެޅުމުގެ މަސައްކަތްތައް މިހާރުގެ ހޯމް މިނިސްޓްރީން ވަނީ އިތުރުކޮށްފައެވެ.