ދިރާގުގެ އައު ޕާޓްނާ ޝޮޕެއް ހުޅުމާލޭ ފޭސް ދޭއްގައި ހުޅުވައިފިއެެވެ.
ދިރާގާއި އޯއޭސެސް މޯލްޑިވްސް ޕްރައިވެޓް ލިމިޓެޑް ގެ ޕާޓްނާޝިޕްގެ ދަށުން މިހާރު ހުޅުމާލޭ ހިޔާ ފްލެޓް ފަހެއް (އެޗް5-ޖީ1) ގައި ހުންނަ އޯއޭސެސް މޯލްޑިވްސް ފިހާރައިން ދިރާގުގެ ޚިދުމަތްތައް ލިބޭނެ ކަމަށް އެ ކުންފުނިން ވަނީ ބުނެފައެވެ.
ދިރާގުން ބުނި ގޮތުގައި މި އައު ޕާޓްނާ ޝޮޕްގެ ސަބަބުން ހުޅުމާލެ ފޭސް ދޭއްގައި ދިރިއުޅޭ ބޮޑު އާބާދީއަށް އިތުރު ލުއިފަސޭހަތަކެއް ލިބޭނެއެވެ.
އަދި މިއާއެކު މި ސަރަޙައްދުގައި ދިރިއުޅޭ ރައްޔިތުންނަށް ފަސޭހަކަމާއެކު ދިރާގުގެ ޚިދުމަތްތައް ހޯދޭނެކަމަށް ވެސް އެކުންފުނިން ވަނީ ބުނެފައެވެ.
ދިރާގު ކަސްޓަމަރުންނަށް ހުޅުމާލެ ފޭސް ދޭއްގެ ޕާޓްނާ ޝޮޕް މެދުވެރިކޮށް ގިނަ ޚިދުމަތްތަކެއް ލިބޭނެ ކަމަށްވެސް ދިރާގުން ވަނީ ބުނެފައެވެ. އޭގެ ތެރޭގައި:
• ޕޯސްޓްޕެއިޑް އަދި ފައިބާ ބްރޯޑްބޭންޑް ޚިދުމަތުގެ ބިލް ދެއްކުން
• ޕްރީޕެއިޑް ޕޯސްޓްޕެއިޑް މޮބައިލް ބްރޯޑްބޭންޑް އަދި ބްލޭންކް ސިމް ކާޑު ގަތުން
• ޕްރީޕެއިޑް ޕްލޭންތަކުގެ ރީޗާޖް ޚިދުމަތް
• ޑޭޓާ އެޑް އޮން ސަބްސްކްރިޕްޝަން ނެގުން
ރާއްޖޭގައި ދިރިއުޅޭ މީހުންގެ ދިރިއުޅުން މުއްސަނދިކޮށް އެ ރައްޔިތުންނަށް އަވަސް ފަސޭހަ ޚިދުމަތެއް ފޯރުކޮށްދިނުމަށް ދިރާގުން އަބަދުވެސް މަސައްކަތް ކުރާކަމަށް އެ ކުންފުނިން ވަނީ ބުނެފައެވެ.