ކްލައުޑްގައި ތަކެތި ރައްކާކުރުމަކީ މިހާރުގެ ޑިޖިޓަލް ދުނިޔޭގައި ވަރަށް މުހިންމު ކަމެކެވެ. މީގެ އެންމެ ބޮޑު ފައިދާއަކީ ކޮންމެ ތަނަކުން، ކޮންމެ ވަގުތެއްގައި ވެސް ފަސޭހައިން ފައިލްތަކަށް އެކްސެސް ލިބުމެވެ.
މީގެ އިތުރުން، ކޮމްޕިއުޓަރު ހަލާކުވުމުން ނުވަތަ ގެއްލުމުން ފައިލްތައް ގެއްލިގެން ދިއުމުގެ އެއްވެސް ކަންބޮޑުވުމެއް ނޯންނާނެއެވެ. އަދި ގިނަ މީހުންނާއެކު މަސައްކަތްކުރާއިރު ފައިލްތައް ޝެއާކޮށް، އެއްކޮށް އެޑިޓްކުރުމުގެ ފުރުސަތު ލިބިގެންދެއެވެ.
ހަމައެހެންމެ، ކްލައުޑް ސްޓޯރޭޖް ބޭނުންކުރުމުން ކޮމްޕިއުޓަރުގެ ހާޑް ޑިސްކްގެ ޖާގަ ސަލާމަތްވެ، ކޮމްޕިއުޓަރުގެ ސްޕީޑް ރަނގަޅުވާނެއެވެ. މި ހުރިހާ ފައިދާތަކެއް ލިބޭއިރު، ގިނަ ކްލައުޑް ސާވިސްތަކުގައި ވަރުގަދަ ސެކިއުރިޓީ ފީޗާތައް ހުރުމުން ޑޭޓާގެ ރައްކާތެރިކަން ވެސް ކަށަވަރު ވާނެއެވެ.
މި ސަބަބުތަކަށްޓަކައި ގިނަމީހުންގެ ފައިލްތަކާ ސޮފްޓްވެއާތައް ވެސް ރައްކާކޮށްފައި ބަހައްޓަނީ ކޮންމެވެސް ކްލައުޑް ސްޓޯރޭޖެއްގައެވެ. ގިނަމީހުން މިކަމަށް ބޭނުންކުރަނީ މަހުން މަހަށް ފީދައްކައިގެން ގޫގުލް ޑްރައިވް ކަމަށް ވެސް ވެދާނެއެވެ.
ގޫގުލް ޑްރައިވްގެ މަހު ފީ ދެއްކުމުގެ ބަދަލުގައި އެއްފަހަރު ދައްކާލުމަށްފަހު އުމުރަށް ބޭނުންކުރެވޭ ކްލައުޑް ސްޓޯރޭޖެއް ގަތުމުގެ ފުރުޞަތު މިހާރު ވަނީ ހުޅުވިފައެވެ.
ފޯލްޑާފޯޓް ނަމަކަށް ކިޔާ މި ކުންފުނިން އެއް ޓެރަބައިޓްގެ ސްޓޯރޭޖެއް އަބަދަށް ބޭނުންކުރެވޭ ގޮތަށް ވިއްކަމުންދަނީ އެންމެ 69.97 ޑޮލަރަށެވެ. މިއީ އާންމުކޮށް 251.64 ޑޮލަރަށް ވިއްކާ އެއްޗެކެވެ.
ގޫގުލް ޑްރައިވްގެ މިފަދަ ޕްލޭނެއް ލިބެނީ މަހަކު 10 ޑޮލަރަށެވެ. އެހެންކަމުން ފޯލްޑާފޯޓްގެ މި ޕްލޭން ގަތުމުން ހަތް މަސްދުވަހުގެ ތެރޭގައި އޭގެ އަގު ފައިދާވެގެންދާނެއެވެ. އޭގެ ފަހުން އެއީ ޖީބަށް ލިބޭ ފައިދާއެކެވެ.
ގޫގުލް ޑްރައިވް ބޭނުންކުރަން އެނގޭ މީހަކަށް ފޯލްޑާފޯޓްގެ ސާދާ އިންޓަފޭސް ބޭނުންކުރަން ވަރަށް ފަސޭހަވާނެއެވެ.
އެގޮތުން މި ޕްލޭން ގަތުމަށް އެޕެއް ޑައުންލޯޑް ކުރާކަށް ނުޖެހޭނެއެވެ. ބްރައުޒާ މެދުވެރިކޮށް ކޮންމެ ޑިވައިސްއަކުން ވެސް އެކްސެސް ކުރެވޭނެއެވެ.
ފަސޭހައިން ޝެއާ ކުރެވޭ ލިންކްތައް ހަދައި، އެހެން މީހުންނަށް ވޯކްސްޕޭސްއަށް އެކްސެސް ދެވޭނެއެވެ.
ބެކްބްލޭޒް މެދުވެރިކޮށް ދުނިޔޭގެ އެންމެ ރައްކާތެރި އެންކްރިޕްޝަން ބޭނުންކޮށްގެން ހުރިހާ އެއްޗެއް ސެކިއާ ކުރެވިފައި ހުންނާނެއެވެ.