އިސްރަށްވެހިންގެ ދުޅަހޮޔޮކަމާއި ބެހޭ ސަރަހައްދީ އޮނިގަނޑެއް އެކުލަވާލުމުގެ މަސައްކަތް ކުރިއަށްދިޔަ، ދުނިޔޭގެ ސިއްޙަތު ޖަމިއްޔާ (ޑަބްލިއުއެޗްއޯ)ގެ ބައްދަލުވުމެއްގައި ރާއްޖެއިން ބައިވެރިވެއްޖެއެވެ.
އެ ބައްދަލުވުމަކީ، އުމުރުން ދުވަސްވުމުގައި ދުޅަހެޔޮކަން ކަށަވަރު ކުރުމުގެ މަޝްވަރާތައް ކުރުމަށް އިންޑިއާގެ ނިއުދިއްލީގައި ބޭއްވި ސައުތު އީސްޓް އޭޝިއާގެ ސަރަހައްދީ ބައްދަލުވުމެކެވެ.
އެ ބައްދަލުވުމުގައި އިޖުތިމާޢީ އަދި އާއިލީ ތަރައްގީއާ ބެހޭ ވުޒާރާގެ އެލްޑާލީ ރައިޓްސް އެންޑް ވެލްބިއިންގް ސެކްޝަނުގެ ފަރާތުން ބައިވެރިވެވަޑައިގަތީ ވަޒީރުގެ ނާއިބު އާމިނަތު އިސްމާއިލްއާއި ސިއްޙީ ވުޒާރާގެ ބައެއް މަންދޫބުން ކަމަށެވެ.
އެ ވުޒާރާއިން ބުނީ، ބައްދަލުވުމުގައި ރާއްޖެއިން ބައިވެރިވި ޓީމުން އުމުރުން ދުވަސްވީ ފަރާތްތަކުގެ ދުޅަހެޔޮކަން ކަށަވަރުކުރުމަށް ރާއްޖޭގައި އެކުލަވާލައިފައިވާ އެކި ސިޔާސަތުތަކާއި އިސްރަށްވެހިންނަށް ފޯރުކޮށްދެވޭ ތަފާތު ޚިދުމަތްތަކާ ގުޅޭ ގޮތުން ހުށަހެޅުމެއް ހުށައަޅާފައިވާ ކަމަށެވެ.
ސައުތް އީސްޓް އޭޝިއާގެ ސަރަހައްދީ ބައްދަލު ކުރެއްވުމުގެ ތެރެއިން: އެ ބައްދަލު ކުރެއްވުމުގައި ރާއްޖޭން ވަނީ ބައިވެރިވެފަ --- ފޮޓޯ/ މިނިސްޓްރީ
އިއްޔެއިން މިއަދުގެ ނިޔަލަށް ދުނިޔޭގެ ސިއްޙަތު ޖަމިއްޔާ (ޑަބްލިއުއެޗްއޯ)އިން އިންތިޒާމުކޮށްގެން ބޭއްވި ބައްދަލުވުމުގައި އިސްރަށްވެހިންގެ ސިޔާސަތުތައް އެކުލަވާލުމުގައި އިސްކަންދޭންޖެހޭ އެފަރާތްތަކުގެ ދުޅަހެޔޮކަން ކަށަވަރު ކުރުމުގައި އެޅިދާނެ ފިޔަވަޅުތައް ގަައުމުތަކުގެ ތަޖުރިބާކާރުންނާ ހިއްސާކޮށްފައިވާ ކަމަށް އެ ވުޒާރާއިން މައުލޫމާތުދެއެވެ.
މީގެއިތުރުން، މި ބައްދަލުވުމުން ހާސިލްކުރުވޭ އެންމެ މުހިންމު ކަމަކަށް ވާނީ ކަމަށް އެ ވުޒާރާއިން ބުނެއެވެ.
އިސްރަށްވެހިންނަކީ މުޖުތަމަޢުގައި އުފާވެރި، ދުޅަހެޔޮ، އަބުރުވެރި، ރައްކަތެރި އަދި މުޖުތަމަޢުގެ ކޮންމެ ކަމެއްގައި އެ ފަރާތްތަކުގެ ބައިވެރިވުން އޮތް ދިރިއުޅުމެއް އުޅޭ ބަޔަކަށް ހެދުމަށް މި ސަރުކާރުން ނުހަނު ބޮޑު އިސްކަމެއްދޭ ކަމަށް އެ ވުޒާރާއިން ބުންޏެވެ.