ރައީސް ޑރ. މުހައްމަދު މުއިއްޒުގެ އަނބިކަނބަލުން މެޑަމް ސާޖިދާ މުހައްމަދުގެ ދޮންބައްޕަ އަލީ އިބްރާހިމް ރޭ އަވަހާރަވެއްޖެއެވެ.
އުމުރުން 78 އަހަރުގައި ދ. މީދޫ ގުލްޝަންކިނާރާ، އަލީ އިބްރާހިމް (ދޮން އަލިބެ) އަވަހާރަވީ ރޭ ފަތިހުގެ ވަގުތެއްގައެވެ.
އޭނާގެ ޖަނާޒާ އޮތީ މިއަދު މެންދުރު ނަމާދަށް ފަހު އިސްލާމީ މަރުކަޒުގައެވެ. މޫނު ދެއްކުން ވެސް އޮތީ އިސްލާމީ މަރުކަޒުގައެވެ.
އަލީ އިބްރާހިމް އަވަހާރަވުމާ ގުޅިގެން ރައީސް މުއިއްޒު ވަނީ ޖަނާޒާގައި ވީހާ ވެސް ގިނަ މީހުން ބައިވެރިވާން އެދިވަޑައިގެންފައެވެ.
މީގެ އިތުރުން، ސަރުކާރު ހިންގާ މައި ޕާޓީ ޕީއެންސީން ވެސް ވަނީ އެ ކަމުގެ ހިތާމައިގައި ސާޖިދާއާއި އެ ކަމަނާގެ އާއިލާއަށް ތައުޒިޔާ ފޮނުވައިފައެވެ.