ވިލިމާލެއިން ގެއްލިގެން ހޯދަމުން ދިޔަ 14 އަހަރުގެ އައިޝަތު ޒޯޔާ ފިކުރީ ރޭގެ ވަގުތެއްގައި މާލެއިން ފެނިއްޖެއެވެ.
ފުލުހުން ބުނީ ކުއްޖާގެ ހާލު ރަނގަޅުކަމަށާއި ކަމާ ގުޅުންހުރި އިދާރާތަކުން ގުޅިގެން ބަލަންޖެހޭ ކަންކަން ދަނީ ބަލަމުން ކަމަށެވެ.
ފުލުހުން ބުނީ އާއިލާއިން އެ ކުއްޖާގެ ޚަބަރެއް ނުވެގެން ރިޕޯޓްކުރީ އިއްޔެގައި ކަމަށެވެ.
އޭގެ ކުރިން ޒޯޔާ ފެނުނީ އޭގެ ހަތަރު ދުވަސްކުރިން މި މަހުގެ 21 ވަަނަ ދުވަހު އޭނާ ދިރިއުޅޭ ގެއިން ކަމަށް އާއިލާއާ ހަވާލާދީ ފުލުހުން ބުންޏެވެ.
ފުލުހުން ބުނީ އޭނާ މިހާރު ދިރިއުޅެމުން އަންނަނީ ވިލިމާލޭ، ނާލިސް ނަމަކަށް ކިޔާ ގެއެއްގައިކަމަށެވެ.
ދޭތެރެ ދޭތެރެއިން ކުޑަކުދިން ގެއްލިގެން ފުލުހުންނަށް ރިޕޯޓު ކުރެއެވެ. ނަމަވެސް ގިނަފަހަރު ހޯދަން އިއުލާން ކުރުމުން ކުދިން އަމިއްލައަށް އާއިލާއާ ހަވާލުވެއެވެ.